رامیشورم،25مئی:(اردودنیا.اِن/ایجنسیاں)تمل ناڈو میں رامیشورم کے قریب وڈاکاڈو گاؤں میں ایک 45 سالہ ماہی گیرخانون کے ساتھ اڈیشہ کے چھ مزدوروں نے مبینہ طور پر اجتماعی عصمت دری ، بعد ازاں متأثرہ خاتون کو قتل کر دیا۔ پولیس نے بدھ کو اس کی جانکاری دی ہے۔اس واقعہ کے بعد متاثرہ کے رشتہ داروں نے زبردست احتجاج کیا اور گاؤں والوں نے رامیشورم نیشنل ہائی وے پر سڑک روک کرمظاہرہ کیا۔ وہیں مظاہرین نے ملزمان کے خلاف سخت اور سخت کارروائی کا مطالبہ کیا۔
پولیس نے بتایا کہ متاثرہ جو منگل کی صبح کادرپاسی لینے گئی تھی، گھر واپس نہیں آئی تو اس کے اہل خانہ نے گمشدگی کی شکایت درج کرائی۔ دریں اثنا، آج صبح یہاں ایک جھینگا فارم سے خاتون کی لاش برآمد ہوئی۔ پولیس نے بتایا کہ لاش جزوی طور پر جھلسی ہوئی تھی۔انہوں نے بتایا کہ لاش خاتون کے اہل خانہ اور پڑوسیوں کو ملی جو اس کی تلاش کر رہے تھے۔
دریں اثنا کیس میں چھ مزدوروں کے ملوث ہونے کے بارے میں معلوم ہونے پرگاؤں والوں نے ان کی زبردست پٹائی کی اور بعد میں انہوں نے متاثرہ کے لیے انصاف کا مطالبہ کرتے ہوئے دھرنا شروع کر دیا۔پولیس نے بتایا کہ اجتماعی عصمت دری اور قتل میں مبینہ طور پر ملوث تمام چھ افراد کو گرفتار کر لیا گیا ہے۔رام ناتھ پورم کے پولیس سپرنٹنڈنٹ ای کارتک جنہوں نے موقع پر پہنچ کر ابتدائی جانچ کی ہے ، انہوں نے کہا کہ معاملہ کی مکمل جانچ کی جا رہی ہے۔
