انڈے بیچنے پر مسلم شخص گرفتار،گرفتاری پر لوگوں نے اٹھائے سوال

ہری دوار، 15نومبر :(اردودنیانیوز.کام/ایجنسیز) اتراکھنڈ کے ہندو مذہبی اہمیت کے حامل شہر ہریدوار کے ہر کی پوڑی علاقے میں ایک مسلم شخص کو مقامی پولیس نے انڈے بیچنے کے الزام میں گرفتار کیا ہے۔ رپورٹ کے مطابق گرفتار کئے گئے شخص کا نام نظام الدین ہے اور اس کا تعلق یوپی کے شہر مراد آباد سے ہے۔ سوشل میڈیا پر عام لوگوں اور سماجی کارکنوں نے پولیس کی اس کارروائی پر اعتراض ظاہر کیا ہے۔رپورٹ کے مطابق نظام الدین پر الزام ہے کہ وہ قانون کی خلاف ورزی کرتے ہوئے انڈے فروخت کر رہا تھا۔ یہ گرفتاری اس وقت عمل میں آئی جب کچھ لوگوں نے نظام الدین کو 5 کارٹن انڈے اور ایک بوری کے ساتھ پکڑ کر افسران کو اطلاع دی۔مقامی تھانے کے انچارج سنجیو چوہان کے مطابق ملزم کو انڈے بیچنے کے الزام میں حراست میں لے کر جیل بھیج دیا گیا ہے۔

گرفتاری مقامی کے لوگوں کی طرف سے دی گئی معلومات کی بنیاد پر کی گئی، جنہوں نے اسے غیر قانونی سرگرمیوں کے ثبوت کے ساتھ پولیس کے حوالے کیا تھا۔انڈے بیچنے کے الزام میں ایک مسلمان شخص کی گرفتاری پر سوشل میڈیا پر بحث ہو رہی ہے۔ کچھ لوگوں نے اس گرفتاری پر سوال اٹھاتے ہوئے اسے عام کاروبار میں مصروف شخص کے خلاف غیر ضروری کارروائی قرار دیا ہے۔ سوشل میڈیا پلیٹ فارم ایکس پر سماجی کارکن نوید حامد نے سوال اٹھاتے ہوئے لکھا، ’’ہندوستان میں انڈے بیچنا کب سے جرم بن گیا؟

Since when it has become crime for selling eggs in India?

BJP ruled Uttrakhand state police has arrested a Muslim vendor wid 5 carats of Eggs in Haridwar.

No right thinking citizen expect any action from @India_NHRC as the poor vendor is Muslim.@narendramodi @amnesty @NCM_GoI https://t.co/jQKTD0nriW

— Navaid Hamid نوید حامد नवेद हामिद (@navaidhamid) November 14, 2023

بی جے پی کی حکومت والی ریاست اتراکھنڈ کی پولیس نے ہریدوار میں ایک مسلمان بیچنے والے کو 5 کارٹن انڈے کے ساتھ گرفتار کیا۔ قومی انسانی حقوق کمیشن سے کسی کارروائی کی توقع نہیں کیونکہ انڈے بیچنے والا غریب مسلمان ہے۔