نبیلہ سید،امریکی ریاست الینوائے کی پہلی مسلم اور سب سے کم عمر قانون ساز

نیویارک، 17جنوری :(اردودنیا.اِن/ایجنسیز)ریاست الی نوائے کے دارالحکومت اسپرنگ فیلڈ کے وسط میں ریاست کی دو پرانی اور نئی عمارتوں کے گنبدوں کے سائے میں چلتے ہوئے، اس شہر میں آپ کو تاریخ کے بہت سے نشانات نظر آتے ہیں۔ یہ ریاست دو صدور کے سیاسی کیریئر کا آغاز ہے، ابراہم لنکن اور براک اوباما۔ ریاست کی پہلی مسلمان امریکی قانون ساز نبیلہ سید کو یہ خواب سا لگتا ہینبیلہ سید نے الینوائے سٹیٹ کیپیٹل کے داخلی دروازے پر عظیم نجات دہندہ کے مجسمے کے سامنے کھڑے ہوتے ہوئے کہاکہ یہ جانناغیر حقیقی سا لگتا ہے ہے کہ ابراہم لنکن کبھی میری طرح کی پوزیشن میں تھے۔اگرچہ لنکن نے چند بلاکس کے فاصلے پر پرانے کیپٹل کی عمارت میں اپنا نام تاریخ میں رقم کیا تھا، تاہم جب نبیلہ الینوائے ہاؤس کے فرش پر ، منتخب نمائندوں کی لکڑی کے میزوں اور چمڑے کی کرسیوں کی قطاروں کے درمیان چل رہی تھیں، تو یہ تاریخ ان کے ذہن پر نقش تھی۔

نبیلہ نے خبررساں ایجنسی کو بتایا، ’’ہمارے ٹور گائیڈ نے کہا کہ اس نے دراصل براک اوباما کی تصویر اسی جگہ لی تھی جہاں میں اور میرا خاندان تصویر کھنچوانے کے لیے کھڑے تھے۔لہذا، اسپرنگ فیلڈ کی اس تاریخ کے بارے میں سوچنا جس میں ہم حصہ ڈال رہے ہیں، یہ ایک ناقابل یقین سا احساس ہے۔نبیلہ سید اور ان کے رفیق کار عبدالناصر راشد اپنی تاریخ رقم کرنے والے ہیں کیونکہ الینوائے میں 103 واں قانون ساز اجلاس شروع ہو رہا ہے۔ وہ ریاستی ایون کے لیے منتخب ہونے والے پہلے مسلمان امریکی قانون ساز ہیں۔سنبیلہ نے کہاکہ میرے خیال میں یہ دیکھتے ہوئے کہ الینوائے میں مسلمانوں کی فی کس آبادی سب سے زیادہ ہے، میری خواہش ہے کہ یہ جلد عمل میں آئے، کیونکہ میں نمائندگی کی اہمیت کو جانتی ہوں۔نومبر میں، سید نے ایک ریپبلکن کو شکست دے کر شکاگو سے نشست جیت لی تھی۔

سید نے کہا، ’’نہ صرف میں ڈیموکریٹ ہوں، بلکہ میں ایک حجاب پہننے والی مسلمان، بھارتی امریکی خاتون ہوں۔ ہماری اقدار، جس طرح سے ہم اپنا پیغام پہنچاتے ہیں، جس طرح سے ہم اپنی کمیونٹی کو ساتھ لے کر چلتے ہیں، ہم ان چیزوں سے آگے بڑھ گئے جنہیں لوگ رکاوٹیں سمجھتے ہیں، اور ہم نے اپنے علاقے کو تبدیل کر دیاہے۔23 سال کی عمر میں، نبیلہ سید کا شمار الینوائیکی مقننہ میں منتخب ہو نے والی اب تک کی سب سے کم عمر خواتین میں ہوتا ہے۔