نالندہ :لڑکی نے اپنے عاشق کے ساتھ بھاگ کر شادی کرلی،ہولناک انجام

جہان آباد:(اردودنیانیوز.کام/ایجنسیز) بہار کے جہان آباد کی ایک لڑکی نے نالندہ کے رہنے والے اپنے عاشق سے شادی کرلی لیکن اپنی زندگی گزارنے سے پہلے ہی اس کا خوفناک انجام ہو گیا۔ معاملہ نالندہ کے تلہارا تھانہ علاقہ کے کیشو پور گاؤں کا ہے۔ کیشو پور گاؤں سے ایک لڑکی کی نعش ملی ہے۔ لڑکی کی والدہ کا الزام ہے کہ ان کی بیٹی کو مار مار کر ہلاک کیا گیا۔ یہ واقعہ بدھ (27 مارچ) کی رات کو پیش آیا۔ لڑکی کی عمر تقریباً 18 سال ہے۔

بتایا جاتا ہے کہ پڑوسی نے لڑکی کے گھر والوں کو اس واقعہ کی اطلاع دی تھی۔ اس کے بعد اس کے گھر والے پولیس کے ساتھ جمعرات (28 مارچ) کی صبح جلدی سے اس کے سسرال پہنچے۔ بچی کی نعش کے علاوہ گھر کے باقی تمام افراد فرار تھے۔ واقعہ کے بارے میں بتایا جاتا ہے کہ انجلی کماری نے کیشو پور گاؤں کے رہنے والے شنکر کمار کے ساتھ محبت کی شادی کی تھی۔ انجلی جہان آباد کی رہنے والی تھی۔ انجلی نے گھر سے بھاگ کر ایک رشتہ دار شنکر کمار سے شادی کی تھی۔ دونوں کے گھر والے شادی کے لیے راضی نہیں تھے۔ اس بات کو لے کر ان کے گھر والوں میں جھگڑا ہوا۔ شادی تقریباً ایک سال قبل ہوئی تھی۔

لڑکی کی ماں سومنتری دیوی نے بتایا کہ شنکر شادی کے بعد ان کی بیٹی کو گھر نہیں لے گیا۔ اڈیشہ میں رہ کر کچھ نجی کام کرتا تھا۔ پہلی بار وہ ہولی پر اپنی بیوی کے ساتھ گھر آیا تھا۔ اس کے بعد جھگڑا ہوا۔ لڑکے کے گھر والے انجلی کو رکھنے کے لیے تیار نہیں تھے۔ الزام ہے کہ بدھ کی رات اس پر حملہ کیا گیا۔ اس میں وہ اپنی جان سے ہاتھ دھوبیٹھی۔ گردن پر نشان ہے۔

والدہ نے مزید بتایا کہ بیٹی کا شوہر اور خاندان کے دیگر افراد گھر سے فرار ہیں۔ تمام لوگوں نے مل کر اس واقعہ کو انجام دیا ہے۔ شادی کے بعد لڑکا پیسے مانگتا تھا۔ ہم نے رقم ادا نہیں کی کیونکہ شادی گھر والوں کی مرضی کے مطابق نہیں ہوئی۔اس معاملے میں تھانہ تلہارا نے بتایا کہ پولیس نے نعش کو پوسٹ مارٹم کے لیے اسپتال بھیج دیا ہے۔ اہل خانہ کا کہنا ہے کہ لڑکی نے پسند کی شادی کی تھی۔ لڑکا ہولی پر اپنے گاؤں آیا تھا اور پھر اسے قتل کر دیا گیا۔ اہل خانہ سے مزید پوچھ گچھ کی جارہی ہے۔ پولیس ہرزاویہ سےتفشیش کر رہی ہے۔