مقبوضہ بیت المقدس، 26جون :(اردودنیا.اِن/ایجنسیاں) #اسرائیل میں ایک نئی قسم کے ابتدائی انسانوں سے تعلق رکھنے والی ہڈیاں پائی گئی ہیں جس کے بارے میں محققین کا کہنا ہے کہ یہ انسان کے ارتقا کے عمل پر نئی روشنی ڈالنے کا موقع فراہم کرے گی۔خبر رساں #ایجنسی کی رپورٹ کے مطابق وسطی شہر رملا کے قریب سیمنٹ پلانٹ کی کھدائی پر #تاریخی #باقیات کا انکشاف ہوا ہے جو اب تک سامنے آنے والے ہومو جینس (ہم نوع) میں سے کسی سے مماثلت نہیں رکھتے ہیں۔
سائنس جریدے میں شائع ہونے والے ایک مطالعے میں تل ابیب یونیورسٹی اور عبرانی یونیورسٹی #یروشلم کے محققین نے غیر معمولی دریافت کو نشر رملا ہومو قسم کا نام دیا۔یہ فوسلز (زمین سے کھود کر نکالی گئی باقیات) کی تاریخ ایک لاکھ 40 ہزار سے ایک لاکھ 20 ہزار سال پہلے کی ہے اور محققین کا خیال ہے کہ نشر رملا قسم جدید انسانوں کی نسل ہومو سیپیئنس سے میل کھاتی ہے۔
آثار قدیمہ کے ماہر یوسی زیدنر نے کہا کہ ہم نے کبھی سوچا بھی نہیں تھا کہ ہومو سیپیئنز کے ساتھ ساتھ قدیم انسان بھی انسانی تاریخ میں اس قدر پہلے گھومتے رہے ہیں۔محققین نے ایک بیان میں کہا کہ نشر رملا کی کی شکل کی خصوصیات نینڈرتھلز (انسانوں کی ختم ہوجانے والی نسل) اور قدیمہ انسان دونوں کے ساتھ مشترک ہیں۔ان کا کہنا تھا کہ اس ہی دوران اس طرح کا انسان جدید انسانوں سے بالکل مختلف ہے، یہ کھوپڑی کا بالکل مختلف ڈھانچہ ہے جس میں ٹھوڑی نہیں اور بہت بڑے دانت ہیں۔
انسانی باقیات کے ساتھ ساتھ کھدائی میں جانوروں کی ہڈیوں کی بڑی مقدار کے ساتھ ساتھ پتھر کے اوزار بھی ملے ہیں۔یوسی زیدنر نے کہا کہ انسانی فوسلز کے آثار قدیمہ سے پتہ چلتا ہے کہ نشر راملا ہومو پتھر کے اوزار کی جدید ٹیکنالوجی موجود تھی اور ممکنہ طور پر وہ مقامی ہومو سیپیئنس کے ساتھ بات چیت کرتے تھے۔محققین نے تجویز دی کہ اس سے قبل 4 لاکھ سال کے اسرائیل میں دریافت ہونے والے چند فوسلز کا تعلق اسی طرح کے انسان سے ہوسکتا ہے۔
