نیوزی لینڈ ٹیم کے آل راؤنڈر بروس ٹیلرکا انتقال
آکلینڈ: (اردودنیا.اِن)نیوزی لینڈ کے آل راؤنڈر بروس ٹیلر کا انتقال ہوگیا ہے ،ان کی عمر 77 سال تھی۔ بروس نے اپنے کیریئر میں 30 ٹیسٹ میچ کھیلے۔ اور898 رنز بنائے جس میں 2 سنچریاں اور 2 نصف سنچریاں شامل ہیں۔ اس کے علاوہ انہوں نے اپنی بولنگ سے حیرت انگیز کارنامہ انجام دیا اور 111 وکٹیں حاصل کرنے میں کامیاب رہے۔ انہوں نے ٹیسٹ میچ کی ایک اننگز میں 4 مرتبہ پانچ وکٹیں لینے کا حیرت انگیز کارنامہ انجام دیا ۔ نیوزی لینڈ کرکٹ نے ٹویٹ کرکے ان کے موت کی اطلاع دی۔
NZC is deeply saddened to learn of the passing of NZ all-rounder, Bruce Taylor, aged 77. In his 30 Tests, Bruce was a force of nature & remains the only player in the world to have scored a century & taken a five-for on Test debut. Our thoughts are with his family & close friends
— BLACKCAPS (@BLACKCAPS) February 6, 2021
نیوزی لینڈ کے آل راؤنڈر بروس ٹیلر دنیا کے واحد کھلاڑی تھے جنہوںنے ڈیبو میچ میں سنچری بنانے کے ساتھ پانچ وکٹیں بھی حاصل کیں۔ ہمارے خیالات ان کے کنبہ اور قریبی دوستوں کے ساتھ ہیں۔1965میں کولکاتہ ٹیسٹ میچ میں بروس ٹیلر نے حیرت انگیز کارکردگی کا مظاہرہ کیا اور 105 رنز بنائے ، یہ ٹیسٹ میچ ان کے کیریئر کا پہلا ٹیسٹ میچ تھا۔ اس ٹیسٹ میں انہوں نے 86 رنز دے کر 5 وکٹیں بھی حاصل کیں
