نئی دہلی ،02؍مئی:(اردودنیا.اِن/ایجنسیاں)جسٹس ایل ناگیشور راؤ اور بی آر گوئی کی بنچ نے کہا کہ آئین کے آرٹیکل 21 کے تحت جسمانی خود مختاری اور سالمیت کو تحفظ حاصل ہے۔ سپریم کورٹ نے کہا کہ موجودہ کوویڈ 19 ویکسین پالیسی کو واضح طور پر من مانی اور غیر معقول نہیں کہا جا سکتا۔
سپریم کورٹ نے پیر کو کہا کہ کسی بھی شخص کو کوویڈ ویکسی نیشن لینے کے لیے مجبور نہیں کیا جا سکتا اور مرکز سے کہا کہ وہ اس طرح کی ویکسی نیشن کے منفی اثرات کے اعداد و شمار کو عام کرے۔
جسٹس ایل ناگیشور راؤ اور بی آر گوئی کی بنچ نے مشاہدہ کیا کہ آئین کے آرٹیکل 21 کے تحت جسمانی خود مختاری اور سالمیت کو تحفظ حاصل ہے۔ سپریم کورٹ نے کہا کہ موجودہ کوویڈ ویکسین پالیسی کو واضح طور پر من مانی اور غیر معقول نہیں کہا جا سکتا۔
بنچ نے کہا کہ جب تک تعداد میں کمی نہیں آتی، ہم تجویز کرتے ہیں کہ متعلقہ احکامات پر عمل کیا جائے اور ایسے افراد کے عوامی مقامات پر جانے پر کوئی پابندی نہیں لگائی جانی چاہئے جنہیں ویکسین نہیں لگائی گئی ہے۔ اگر کوئی پابندی پہلے سے موجود ہے تو اسے ہٹا دینا چاہیے۔
