نئی دہلی :(اردودنیانیوز.کام/ایجنسیز) نیشنل تھرمل پاور کارپوریشن (NTPC) لمیٹڈ نے ڈپٹی مینیجر کی 110 آسامیوں کے لیے درخواستیں طلب کی ہیں۔یہ آسامیاں مختلف شعبوں میں دستیاب ہیں جن میں الیکٹریکل/ مکینیکل/ الیکٹرانکس/ کنٹرول اینڈ انسٹرومینٹیشن/ سول کنسٹرکشن اور دیگر شامل ہیں۔دلچسپی رکھنے والے اور اہل امیدوار ان آسامیوں کے لیےآن لائن درخواست دے سکتے ہیں۔درخواست دینے سے پہلے، بھرتی سے متعلق تفصیلات پڑھ لیں،

NTPC نے ڈپٹی مینیجر کے 110 عہدوں کے لیے درخواستیں طلب کی ہیں۔

این ٹی پی سی نے اپنی سرکاری ویب سائٹ پر ان آسامیوں کے لیے آن لائن درخواست کے شیڈول کے ساتھ بھرتی کا نوٹیفکیشن بھی جاری کیا ہے۔سرکاری نوٹیفکیشن کے مطابق، درخواست داخل کرنے کی آخری تاریخ 8 مارچ ۔

الیکٹریکل/ مکینیکل/ الیکٹرانکس/ کنٹرول اینڈ انسٹرومینٹیشن/ سول کنسٹرکشن اور دیگر سمیت مختلف شعبوں میں ڈپٹی مینیجر کے عہدوں کے لیے بھرتی کی جائیگی ۔تعلیمی قابلیت سے متعلق معلومات کے لیے، آفیشل نوٹیفکیشن دیکھیں۔تمام عہدوں کے لیے عمر کی حد 40 سال مقرر کی گئی ہے۔

جنرل/EWS/OBC زمرہ سے تعلق رکھنے والے امیدواروں کو ڈپٹی مینیجر کے عہدوں کے لیے درخواست دینے کے لیے 300 روپے کی درخواست فیس ادا کرنی ہوگی۔SC/ST/PWBD/XSM زمروں اور خواتین امیدواروں کو درخواست کی فیس کی ادائیگی سے مستثنیٰ ہے۔امیدوار آن لائن موڈ کے ذریعے درخواست کی فیس ادا کر سکتے ہیں۔ڈپٹی مینیجر کے عہدے کے لیے منتخب ہونے والے امیدواروں کو 70000 روپے سے 200000 روپے تک کی تنخواہ دی جائے گی۔

درخواست دینے کا طریقہ ،ڈپٹی مینیجر کے عہدوں کے لیے درخواست دینے کے لیے امیدواروں کو آفیشل ویب سائٹ careers.ntpc.co.in پر جانا ہوگا۔ درخواست کا عمل مکمل طور پر آن لائن ہے۔آف لائن درخواستیں قبول نہیں کی جائیں گی۔