اوڈیشہ : پولیس جوان کے جان لیوا حملہ میں زخمی وزیر صحت نابا کشور داس کا اسپتال میں انتقال
اڈیشہ کے وزیر صحت نابا کشور داس کا بھونیشور کے اپولو اسپتال میں انتقال ہوگیا۔
ٓبھونیشور، 29جنوری:(اردودنیا.اِن/ایجنسیز) اڈیشہ کے وزیر صحت نابا کشور داس کا بھونیشور کے اپولو اسپتال میں انتقال ہوگیا۔ اتوار کی دوپہر ان پر جان لیوا حملہ ہوا تھا۔ محکمہ پولیس کے اے ایس آئی نے وزیر پر گولی چلائی تھی۔ اس واقعہ میں وہ شدید زخمی ہوگئے تھے۔ فوری انہیں ہوائی جہاز سے بھونیشور لے جایا گیا جہاں سی ایم نوین پٹنائک بھی ان کی حالت دریافت کرنے پہنچے۔یہ واقعہ اڈیشہ کے جھارسوگوڑا ضلع میں پیش آیا جہاں ایک اے ایس آئی نے اتوار کو ریاست کے وزیر صحت اور خاندانی بہبود نابا کشور داس کو گولی مار کر ہلاک کر دیا۔ ایک پولیس اہلکار نے بتایا، "یہ واقعہ ضلع کے برجراج نگر قصبے میں دوپہر ایک بجے کے قریب پیش آیا جب داس ایک میٹنگ میں شرکت کے لیے جا رہے تھے۔
ابتدائی اطلاعات میں بتایا گیا کے اوڈیشہ میں ایک پولیس اہلکار کی فائرنگ سے ریاست کے وزیر صحت نبا کشور داس شدید زخمی ہوگئے۔ ان کی حالت نازک بتائی گئی- اوڈیشہ کے وزیر صحت نبا کشود داس کو اس وقت گولی لگی جب وہ براجراج نگر کے علاقے گاندھی چوک میں ایک تقریب میں شرکت کے لیے آئے ہوئے تھے۔وزیر صحت ناب کشور داس پر اتوار کی دوپہر ایک بجے کے قریب حملہ کیا گیا۔ جیسے ہی داس نیچے گاڑی کی اگلی سیٹ پر بیٹھے، اے ایس آئی نے سینے میں دو گولیاں ماریں۔ خون میں لت پت داس گاڑی کے قریب گرے۔عینی شاہد ایڈوکیٹ رام موہن راؤ نے بتایا کہ وزیر صحت نابا داس پروگرام میں مہمان خصوصی تھے۔ جب وہ پہنچے تو ایک ہجوم اس کے استقبال کے لیے جمع ہوگیا۔ پھر کسی نے ان پر گولی چلا دی۔ ہم نے دیکھا کہ ایک پولیس اہلکار فائرنگ کے بعد بھاگ رہا ہے۔
وزیر پر گولی چلانے والا اے ایس آئی گوپال داس دماغی طور پر بیمار ہے جس کے لیے وہ 7-8 سال سے زیر علاج ہے۔ گوپال کی بیوی جینتی نے یہ بات کہی ہے۔ جینتی کا کہنا ہے کہ دوا لینے کے بعد ہی گوپال نارمل سلوک کرتا ہے۔ انہوں نے کہا- مجھے خبر سے ہی واقعہ کی اطلاع ملی۔ وہ پانچ ماہ پہلے گھر آیا تھا۔ میری بیٹی اور میں نے اتوار کی صبح اس کے ساتھ ویڈیو کال کی۔ اس کے بعد کوئی بات نہیں ہوئی۔اوڈیشہ کے وزیر اعلی نوین پٹنائک نے وزیر صحت پر حملے کی مذمت کی ہے۔ انہوں نے کہا- میں موت کی خبر سن کر صدمے میں ہوں، کرائم برانچ کو تحقیقات کی ہدایت دی گئی ہے۔
VIDEO: #Odisha Health Minister Naba Das was shot by an ASI in Jharsuguda today. The minister was going to attend a programme at Gandhi Chowk in Brajarajnagar. The accused cop, identified as Gopal Das, was nabbed and detained by police for questioning. (Disturbing visuals) pic.twitter.com/L1USPM7cLT
— Press Trust of India (@PTI_News) January 29, 2023
سوشل میڈیا پر وائرل ہونے ویڈیو میں دیکھا جا سکتا ہے کہ وزیر صحت کے اپنی گاڑی سے باہر نکلتے ہی گولی چلنے کی آواز آئی جس کے بعد ہجوم کی جانب سے شور سننے میں آیا اور نبا کشور داس اپنی گاڑی کی فرنٹ سیٹ پر دوبارہ گر گئے۔اسی ویڈیو میں ایک خاکی وردی پہنے پولیس اہلکار کو بھی دیکھا جا سکتا ہے جس نے میڈیا کے مطابق نبا کشور داس پر گولی چلائی۔ ایک اور ویڈیو میں کچھ افراد کو اوڈیشہ کے وزیر صحت کو گاڑی سے باہر نکالتے ہوئے دیکھا جا سکتا ہے
۔ویڈیو میں ظاہر ہو رہا ہے کہ گولی نبا کشور داس کے سینے میں لگی جس کے بعد ان کی سفید رنگ کی قمیص خون سے لت پت ہوگئی۔اوڈیشہ کے وزیر صحت نبا کشور داس پر حملے کرنے والے اہلکار کی شناخت اسسٹنٹ سب انسپکٹر (اے ایس آئی) گوپال داس کے نام سے ہوئی جو جس کا تعلق جھارسگوڈا شہر سے ہی ہے۔حملہ کرنے والے پولیس اہلکار کو حراست میں لے لیا گیا ہے لیکن اس نے وزیر صحت پر حملہ کیوں کیا اس حوالے سے کوئی سرکاری بیان سامنے نہیں آیا ہے۔
