عثمانیہ یونیورسٹی کنوکیشن: حافظ محمد مجتبیٰ رضا اور حافظ سید عبد الحمید کو پی ایچ ڈی ڈگری سے نوازا گیا

حیدرآباد (نامہ نگار):عثمانیہ یونیورسٹی کے 84 ویں سالانہ کنوکیشن کی پروقار تقریب حیدرآباد میں منعقد ہوئی، جس میں سینکڑوں ریسرچ اسکالرز اور گریجویٹس کو ڈگریاں اور میڈلز عطا کیے گئے۔ اس موقع پر حافظ محمد مجتبیٰ رضا اور حافظ سید عبد الحمید کو پی ایچ ڈی کی ڈگری عطا کی گئی۔

یہ اعزاز دونوں اسکالرز کو ڈاکٹر وی۔ نارائنن (چیئرمین، اسرو) اور پروفیسر کمار مولگورم (وائس چانسلر، عثمانیہ یونیورسٹی) کے دستِ مبارک سے دیا گیا۔ تقریب میں یونیورسٹی کے اعلیٰ عہدیداران، فیکلٹی ممبران اور طلبہ کی بڑی تعداد شریک تھی۔

اس کنوکیشن کے دوران مختلف شعبہ جات کے ریسرچ اسکالرز کو ڈگریاں اور میڈلز تقسیم کیے گئے۔ حافظ محمد مجتبیٰ رضا اور حافظ سید عبد الحمید کی اس علمی کامیابی پر اساتذہ، ساتھی طلباء اور احباب نے مبارکباد پیش کی اور ان کے روشن مستقبل کے لیے نیک تمناؤں کا اظہار کیا۔