نظام آباد: پنچایت سکریٹری کو اینٹی کرپشن بیورو نے رشوت لیتے رنگے ہاتھوں گرفتار کر لیا

نظام آباد:(اردودنیا.اِن/ایجنسیز) اینٹی کرپشن بیورو (ACB) کے اہلکاروں نے بدعنوانی کے الزام میں پنچایت سکریٹری گنگا موہن کو گرفتار کیا ہے۔ موہن کو بدھ کے روز مکلوار منڈل کے گوتمکالا گاؤں میں ایک کھلے پلاٹ کے مالک سے 18,000 روپے رشوت لیتے ہوئے پکڑا گیا۔

پنچایت سکریٹری نے مکان نمبر اور اسیسمنٹ نمبر الاٹ کرنے کے لئے 20,000 روپے رشوت طلب کی تھی اور 18,000 روپے لے لیے۔ سرکاری اصولوں کی خلاف ورزی کرتے ہوئے موہن نے درخواست گزار کو سرکاری سہولت فراہم کرنے کا وعدہ کیا تھا۔

شکایت موصول ہونے پر اینٹی کرپشن بیورو کے اہلکار موقع پر پہنچے اور گنگا موہن کو گرفتار کر کے رشوت کی رقم ضبط کر لی۔