نئی دہلی15فروری:(اردودنیا.اِن/ایجنسیاں)سنسد ٹی وی، جو لوک سبھا اور راجیہ سبھا کی کارروائی کو براہ راست نشر کرتا ہے، نے منگل کو کہا کہ اس کے یوٹیوب چینل کو کچھ شرپسندوں نے ہیک کرلیاہے۔پارلیمنٹ ٹی وی نے ایک سرکاری بیان میں کہا کہ ہیکرز نے چینل کا نام بدل کر ایتھرئم (ایک کرپٹو کرنسی) کر دیا۔
بیان میں کہاگیاہے کہ بعد میں، یوٹیوب نے مستقل طور پر سیکورٹی خطرات کو دور کرنا شروع کیاہے۔اس نے کہاہے کہ اس کا یوٹیوب چینل، بشمول پارلیمنٹ ٹی وی پر اس کا لائیو ٹیلی کاسٹ، کچھ شرپسندوں نے 15 فروری کو (پیر کی رات 1 بجے) کو ہیک کر لیا ہے۔
سنسد ٹی وی کی سوشل میڈیاٹیم نے فوری کارروائی کی اور منگل کی صبح تقریباً 4.45 بجے چینل کی معمول کی نشریات دوبارہ شروع کر دیں۔بیان کے مطابق ہندوستان میں سائبر سیکورٹی کے واقعات سے نمٹنے والی نوڈل ایجنسی انڈین کمپیوٹر ایمرجنسی رسپانس ٹیم (CERT-In) نے بھی اس واقعے کی تصدیق کی اور پارلیمنٹ ٹی وی کو الرٹ کیاہے۔
پارلیمنٹ ٹی وی کے یوٹیوب اکاؤنٹ کے اسکرین شاٹس سوشل میڈیا پر اس پیغام کے ساتھ شیئرکیے گئے ہیں کہ یہ اکاؤنٹ یوٹیوب کی کمیونٹی گائیڈ لائنز کی خلاف ورزی پر معطل کر دیا گیاہے۔
