نئی دہلی :(اردودنیا.اِن/ایجنسیاں)آج یعنی 25 مئی 2021 کو ایک بار پھر پیٹرول اور ڈیزل کی قیمتوں میں اضافہ ہوا ہے۔ آئل مارکیٹنگ کمپنیوں نے ایک بار پھر تیل کی قیمتوں کو مہنگا کردیا ہے۔ اتوار کے اضافے کے بعد پیر کو قیمتیں مستحکم تھیں ۔ منگل کو پٹرول 23 پیسے اور ڈیزل 25 پیسے مہنگا ہوگیا ہے۔ خام تیل کی بڑھتی ہوئی طلب کی وجہ سے بین الاقوامی خام منڈی میں قیمتوں میں اضافہ ہوا ہے ، جس کا اثر یہاں مستقل طور پر دیکھا جارہا ہے۔
4 مئی کے بعد سے اب تک مجموعی طور پر 14 دن قیمتوں میں اضافہ کیا گیا ہے۔ اس ماہ میں اضافے کے بعد سے پیٹرول 3.09 روپئے فی لیٹر اور ڈیزل میں 3.56 روپئے فی لیٹر مہنگا ہوگیا ہے۔ مدھیہ پردیش کے انوپور ، بھوپال ، راجستھان کے سری گنگا نگر اور مہاراشٹر میں پربھنی سمیت ملک کے کئی شہروں میں پیٹرول 100 روپئے سے تجاوز کرچکا ہے ۔ جبکہ ممبئی میں پٹرول اور ڈیزل کی قیمتیں ہمیشہ سب سے زیادہ رہتی ہیں ، پٹرول 100 کے اعدادوشمار کو دہانے پر پہنچ چکا ہے۔ آج کے اضافے کے بعد دہلی میں پٹرول کی قیمت 93.44 روپئے فی لیٹر کردی گئی ہے۔
اسی کے ساتھ ہی ڈیزل 84.32 روپئے فی لیٹر ہو گیا ہے۔ ممبئی کے بارے میں بات کی جائے تو پٹرول 99.70 روپئے فی لیٹر اور ڈیزل 91.57 روپئے فی لیٹر فروخت ہورہا ہے۔ چنئی میں پٹرول 95.06 روپئے فی لیٹر اور ڈیزل 89.11 روپئے فی لیٹر فروخت ہورہا ہے۔ کولکاتہ میں پٹرول کی قیمت 93.49 روپئے اور ڈیزل کی قیمت 87.16 روپئے فی لیٹر ہے۔
بھوپال میں پٹرول 101.52 روپئے فی لیٹر اور ڈیزل 92.77 روپئے فی لیٹر فروخت ہورہا ہے۔ لکھنؤ میں پٹرول 91.03 روپئے اور ڈیزل 84.71 روپئے فی لیٹر پر فروخت ہورہا ہے۔واضح رہے کہ ملک میں روزانہ صبح 6 بجے تیل کی قیمتوں میں ترمیم کی جاتی ہے۔ یہ نئی قیمتیں روزانہ صبح 6 بجے سے ملک کے ہر پٹرول پمپ پر نافذہوتی ہیں۔
