تلنگانہ میں پرجا پالن‘ ایپلی کیشن فارم لانچ،کانگریس حکومت انتخابی وعدے پورا کرنے کے لیے پرعزم

حیدرآباد، 27دسمبر :(اردودنیانیوز.کام/ایجنسیز)تلنگانہ میں پہلی بار حکومت بنانے والی کانگریس پارتی نے چھ گارنٹی نافذ کرنے کا اعلان پہلے ہی کر دیا ہے۔ اب انتخابی وعدوں کو زمین پر اتارنے کے لیے حکومت نے ’پرجا پالن‘ ایپلی کیشن فارم لانچ کیا ہے۔ وزیر اعلیٰ ریونت ریڈی نے اس موقع پر کہا کہ ان کی پالیسی میں عوام سب سے پہلے آتی ہے۔ حکومت کو لوگوں کے پاس جانا چاہیے۔دراصل تلنگانہ کے وزیر اعلیٰ ریونت ریڈی اور نائب وزیر اعلیٰ بھٹی وکرمارک کانگریس کی چھ گارنٹی نافذ کرنے پر اپنی پوری توجہ مرکوز کیے ہیں۔ اسی کے پیش نظر بدھ کے روز کانگریس حکومت کے ذریعہ ’پرجا پالن‘ ایپلی کیشن فارم لانچ کیا گیا۔

اس تقریب کے دوران وزیر اعلیٰ ریونت ریڈی نے کہا کہ کانگریس تلنگانہ کے لوگوں کو ابھے ہستم یعنی چھ گارنٹی دے رہی ہے۔وزیر اعلیٰ کا کہنا ہے کہ کانگریس حکومت پوری ریاست کے گاؤں، نگر پالیکا وارڈس اور ضلعوں میں ’پرجا پالن‘ منعقد کرے گی۔ ہمارا مقصد سبھی لوگوں کی مدد کرنا ہے۔سی ایم ریونت ریڈی نے اس دوران بتایا کہ پرجا بھون میں 20 ہزار سے زیادہ درخواست نامے دیئے گئے تھے۔ بیشتر لوگوں کے ایشوز زمین سے جڑے ہوئے ہیں۔ اس لیے حکومت نے گوں کے درمیان جانے کا فیصلہ لیا ہے۔