نئی دہلی،28؍مارچ:(اردودنیا.اِن/ایجنسیاں)میزورم میں ریاستی انسانی وسائل کے ترقیاتی بورڈ Mizoram Human Resources Development Board نے شمال مشرقی ریاست کے تمام سرکاری اسکولوں کے لیے یکساں یونیفارم تجویز کیا ہے۔ ریاستی وزیر تعلیم لال چندما رالتے کی زیر صدارت ایک حالیہ میٹنگ میں بورڈ کے وائس چیئرمین ایل تھنگاماویہ نے تمام سرکاری اسکولوں کے لیے یکساں اسکول یونیفارم متعارف کرانے کا مشورہ دیا۔انہوں نے کہا کہ ایچ آر ڈی بورڈ اس ہفتے باضابطہ طور پر ریاستی محکمہ تعلیم کو اپنی تجویز پیش کرے گا۔
تھنگاماویہ نے کہا کہ یکساں اسکول یونیفارم متعارف کرانے کی بنیادی وجہ شہری اور دیہی دونوں علاقوں میں امیر اور معاشی طور پر کمزور طلبہ کے لباس میںمساوات پیداکرنا تھا۔ یونیفارم اسکول یونیفارم کوئی نئی بات نہیں ہے اور کچھ ریاستوں میں اور میزورم کے پریسبیٹیرین چرچ کے تحت تمام انگلش میڈیم اسکولوں میں پہلے سے نافذ ہے۔
تھنگاماویہ نے کہا کہ اگر سادہ یونیفارم متعارف کرایا جائے تو ایسے طلباء کو نئے سیٹ خریدے بغیر دوسرے سرکاری اداروں میں شامل ہونے میں مدد ملے گی جن کے والدین ایک جگہ سے دوسری جگہ منتقل ہوتے رہتے ہیں۔
تاہم انہوں نے کہا کہ اسکول یونیفارم کا رنگ نچلی سطح سے لے کر اعلیٰ سطح تک مختلف ہو سکتا ہے۔انہوں نے مزید کہا کہ یہ ہو سکتا ہے کہ پرائمری اسکولوں میں استعمال ہونے والے اسکول یونیفارم مڈل، ہائی اور ہائیر سیکنڈری لیول پر استعمال ہونے والے یونیفارم سے مختلف ہوں-
تھنگاماویہ نے کہا کہ ہیومن ریسورس ڈیولپمنٹ بورڈ کی میٹنگ میں تمام سرکاری اور نجی اسکولوں سے اپیل کرنے پر اتفاق ہوا ہے۔
