رائے پور، 28 جولائی:(اردودنیا.اِن/ایجنسیاں) چھتیس گڑھ حکومت نے جمعرات سے گائے کے پیشاب کی خریداری شروع کردی ہے۔ حکام کے مطابق، چھتیس گڑھ گائے کا پیشاب خریدنے والی ملک کی پہلی ریاست ہے۔عہدیداروں نے بتایا کہ چیف منسٹر بھوپیش بگھیل نے جمعرات کو سی ایم ہاؤس پر گائے کے پیشاب کی خریداری کا آغاز کیا۔انہوں نے کہا کہ چیف منسٹر اس موقع پر چاندکھوری کے نیدھی سیلف ہیلپ گروپ کو 20 روپے میں پانچ لیٹر گائے کا پیشاب بیچ کر ریاست کے پہلے بیچنے والے شخص بن گئے۔ نیدھی سیلف ہیلپ گروپ نے گائے کا پیشاب بیچا اور یہ رقم چیف منسٹر ریلیف فنڈ کے کھاتے میں جمع کرادی۔
حکام نے بتایا کہ چھتیس گڑھ ملک کی پہلی ریاست ہے، جس نے گائے کا گوبر 1000 روپے کے حساب سے خریدا ہے۔اس موقع پر وزیر اعلیٰ نے کہا کہ گودھن نیائے یوجنا کے کثیر جہتی نتائج کو دیکھتے ہوئے ملک کی کئی ریاستوں نے اسے اپنانا شروع کر دیا ہے۔ اس اسکیم کے تحت امیر ہو یا غریب، سب دو روپے فی کلو کے حساب سے گوبر بیچ رہے ہیں۔ پچھلے دو سالوں میں، گوردھن نیائے یوجنا کے ذریعے گوبر فروشوں، گوٹھن کمیٹیوں اور خواتین کے گروپوں کے کھاتوں میں تین سو کروڑ روپے سے زیادہ منتقل کیے گئے ہیں۔
نامیاتی کھادوں اور نامیاتی جراثیم کش ادویات کے استعمال سے کاشتکاری کے اخراجات میں کمی آئے گی۔ کھانے کا معیار بہتر ہوگا جس سے عوام کی صحت بہتر ہوگی۔ انہوں نے کہا کہ اس اسکیم کا مقصد ریاست میں مویشی پالنے کے تحفظ اور فروغ کے ساتھ ساتھ مویشی پالنے اور آرگینک فارمنگ کی آمدنی میں اضافہ کرنا ہے۔
