کانگریس لیڈر راہل گاندھی کی جھارکھنڈ ہائی کورٹ میں درخواست، غیر ضمانتی وارنٹ منسوخی کی درخواست دائر

 رانچی، 2 جون۔:(اردودنیا.اِن/ایجنسیز)کانگریس لیڈر راہل گاندھی نے جھارکھنڈ ہائی کورٹ میں ایک عرضی دائر کی ہے جس میں جھارکھنڈ کے چائی باسا میں ایم پی-ایم ایل اے کورٹ کی طرف سے ان کے خلاف جاری غیر ضمانتی وارنٹ کو منسوخ کرنے کا مطالبہ کیا گیا ہے۔ چائیباسا عدالت نے سال 2018 میں بھارتیہ جنتا پارٹی کے اس وقت کے صدر امیت شاہ کے خلاف مبینہ توہین آمیز ریمارکس سے متعلق ایک کیس میں 22 مئی کو راہل گاندھی کے خلاف وارنٹ جاری کیا اور انہیں 26 جون کو ذاتی طور پر عدالت میں حاضر ہونے کا حکم دیا۔ جب تک زیر التواء درخواست کی سماعت نہیں ہو جاتی تب تک چائی باسا عدالت کی طرف سے وارنٹ جاری کرنا نامناسب ہے۔

قابل ذکر ہے کہ چائباسا کے رہنے والے پرتاپ کٹیار نامی شخص نے 9 جولائی 2018 کو راہل گاندھی کے خلاف درج کرائی گئی شکایت میں الزام لگایا تھا کہ انہوں نے سال 2018 میں کانگریس اجلاس میں اس وقت کے بی جے پی کے قومی صدر امت شاہ کے خلاف توہین آمیز ریمارکس کیے تھے۔شکایت کے مطابق راہل گاندھی نے کہا تھا کہ کانگریس میں کوئی قاتل قومی صدر نہیں بن سکتا۔

کانگریس والے کسی قاتل کو قومی صدر نہیں مان سکتے، یہ صرف بی جے پی میں ہی ممکن ہے۔ اس شکایت پر، چائباسا عدالت نے اپریل 2022 میں راہل گاندھی کے خلاف قابل ضمانت وارنٹ جاری کیا تھا، اس پر راہل گاندھی نے کوئی نوٹس نہیں لیا تھا۔ اس کے بعد عدالت نے فروری 2024 میں ان کے خلاف ناقابل ضمانت وارنٹ جاری کیا، راہول گاندھی کے وکیل نے عدالت میں درخواست دی تھی اور ذاتی طور پر حاضر ہونے سے استثنیٰ مانگا تھا، لیکن ان کی درخواست مسترد کر دی گئی تھی۔ اس کے خلاف راہل گاندھی نے جھارکھنڈ ہائی کورٹ سے رجوع کیا تھا، جہاں سے انہیں راحت ملی۔