2 دن تاخیرکے لیے سوری ڈیئر،نوبیاہتا خاتون نے خودکشی کرلی،عاشق نے شادی کے دن ہی خودکشی کرلی
خودکشی کرنے سے پہلے گرل فرینڈ نے اپنی اور اپنے بوائے فرینڈ کی ایک ساتھ تصویر لگا کر سوشل میڈیا پر ایک اسٹیٹس پوسٹ کیا۔
راجستھان :(اردودنیانیوز.کام/ایجنسیز) راجستھان کے باڑمیر سے ایک حیران کن معاملہ سامنے آیا ہے۔ راجستھان کے باڑمیر میں محبوبہ کی شادی سے دلبرداشتہ ہو کر عاشق نے کنویں میں چھلانگ لگا کر خودکشی کر لی۔ دوسری جانب عاشق کی خودکشی سے دلبرداشتہ نئی نویلی محبوبہ نے بھی دو روز بعد کنویں میں چھلانگ لگا کر زندگی کا خاتمہ کر لیا۔ خودکشی کرنے سے پہلے گرل فرینڈ نے اپنی اور اپنے بوائے فرینڈ کی ایک ساتھ تصویر سوشل میڈیا پر پوسٹ کی اور لکھا ۔آپ ہمشہ میری جان رہوگے ہم نے ساتھ جینے اور مرنے کی قسم کھائی تھی تو اکیلے ایسا قدم کیوں اٹھایا۔گرل فرینڈ نے مزید لکھا کہ تم نے مجھے اس ظالم دنیا میں اکیلا کیوں چھوڑ دیا؟ کوئی بات نہیں۔اب میں آپ کے پاس آرہی ہوں۔ پھر لکھا آپ ہمیشہ میری جان رہوگے، دو دن تاخیر کے لیے میرے پیارے معذرت۔
یہ واقعہ دھویمنا تھانہ علاقہ کے شوبھلا جیٹمل کا ہے۔دراصل شوبھالا جیٹمل کی رہنے والی انیتا (22) اور پورکھرام (28) کے درمیان محبت کا معاملہ چل رہا تھا۔ اسی دوران 4 جولائی کو انیتا نے دوسری جگہ شادی کر لی۔ اس سے مایوس ہو کر پورکھرام نے 4 جولائی کو ہی کنویں میں چھلانگ لگا کر خودکشی کر لی۔ 5 جولائی کو جب شادی شدہ گرل فرینڈ اپنے گھر واپس آئی تو اسے اپنے عاشق کی موت کا علم ہوا۔
بتایا جا رہا ہے کہ جمعہ کی صبح یعنی 7 جولائی کی صبح شادی شدہ انیتا گھر (پہاڑ) سے برتن لے کر مویشیوں کے شیڈ میں گئی۔ کافی دیر تک واپس نہ آنے پر رشتہ داروں نے اسے ڈھونڈنا شروع کردیا۔ پیروں کے نشان ڈھونڈتے ڈھونڈتے لواحقین کنویں تک پہنچ گئے۔ وہاں کنویں کے پاس دودھ کا ایک برتن رکھا ہوا ملا اور کنویں سے نوبیاہتا خاتون کی نعش ملی۔ اطلاع ملنے پر پولیس نے متوفی کی نعش قبضہ میں لے کر پوسٹ مارٹم کے بعد پولیس نے نعش ورثاء کے حوالے کردی۔
بتا دیں کہ انیتا کی 4 جولائی کو شادی ہوئی اور وہ اپنے سسرال چلی گئی۔ اسی دن پریمی پورکھرام کی موت کنویں میں ڈوبنے سے ہوئی۔ متوفی کے لواحقین کا الزام ہے کہ اس نے خودکشی کی ہے۔ اور دو دن بعد نو بیاہتا خاتون نے کنویں میں چھلانگ لگا کر خودکشی کر لی۔ تاہم متوفی کے لواحقین نے پاؤں پھسلنے اور کنویں میں گرنے سے موت کی رپورٹ درج کرائی ہے۔ پولیس دھویمنا پولیس اسٹیشن آفیسر سکھرام وشنوئی کے مطابق 22 سالہ نئی شادی شدہ انیتا نے کنویں میں چھلانگ لگا کر خودکشی کرلی۔ خودکشی سے قبل متوفی نے اسٹیٹس بھی پوسٹ کیا تھا۔ ابتدائی تفتیش میں معاملہ محبت کا لگتا ہے۔ پولس معاملے کی تحقیقات کر رہی ہے۔ اس کے بعد مزید کارروائی کی جائے گی۔
