آر بی آئی کااعلان کوئی بھی بینک جاری کر سکتا ہے روپے پری پیڈ فاریکس کارڈ

نئی دہلی،8جون :(اردودنیانیوز.کام/ایجنسیز) ریزرو بینک نے آج روپے کارڈ (Rupay Card) کو لے کر ایک اہم فیصلہ لیا۔ آر بی آئی نے تمام بینکوں کو روپے پری پیڈ فاریکس کارڈ (Rupay prepaid forex card) جاری کرنے کی اجازت دے دی ہے۔ اس کے ساتھ ہی آر بی آئی نے ای-روپے واؤچر کا دائرہ بڑھانے کا بھی اعلان کیا۔ تاہم، آر بی آئی چند دنوں میں یہ اصول جاری کرے گا۔ آر بی آئی کا یہ قدم روپے کارڈ کو عالمی مارکیٹ میں تیزی سے بڑھائے گا۔اس کے علاوہ، RuPayڈیبٹ، کریڈٹ اور پری پیڈ کارڈز کو بیرون ملک جاری کرنے اور ہندوستان سمیت عالمی سطح پر استعمال کرنے کی اجازت ہوگی۔

آر بی آئی کے اس اعلان کے بعد روپے کارڈ کی رسائی دنیا بھر میں بڑھے گی۔ یہ اعلانات آر بی آئی کے گورنر نے 8 جون 2023 کے دو ماہی مانیٹری پالیسی کے جائزے میں کیے ہیں۔بتا دیں کہ فاریکس روپے کارڈ پری پیڈ کارڈ کی ایک قسم ہے۔ یہ کارڈ خاص طور پر ان لوگوں کے لیے ہے جو بیرون ملک سفر کرتے ہیں۔ یہ کارڈ تاجروں، بیرون ملک تعلیم حاصل کرنے والے طلباء اور مختلف ممالک کا سفر کرنے والے مسافروں کے لیے بہت فائدہ مند ثابت ہوگا۔

اگر آسان الفاظ میں کہا جائے تو اب آپ بیرون ملک جاتے وقت روپے کارڈ استعمال کر سکیں گے۔آپ اپنے گھریلو کارڈ کے ذریعے کسی بھی ملک میں آسانی سے ادائیگی کر سکیں گے۔آر بی آئی کی تازہ ترین سالانہ رپورٹ کے مطابق، Payments Vision Document 2025 نے پہلے ہی یو پی آئی (UPI) اور روپے کارڈ کو عالمی سطح پر قابل رسائی بنانے کا خاکہ پیش کیا ہے جو بین الاقوامی کاری کے ستون کے تحت کلیدی مقاصد میں سے ایک ہے۔ روپے کارڈ کی عالمی رسائی کے لیے بھوٹان، سنگاپور، نیپال اور یو اے ای (UAE) کے ساتھ برانڈنگ کے بغیر روپے کارڈ قبول کرنے کے انتظامات کیے گئے ہیں۔ دوسرے ممالک میں بھی روپے کارڈ جاری کرنے کی تیاریاں کی جا رہی ہیں۔