اناکاپلے میں واقع کمپنی میں ری ایکٹر میں دھماکہ، 4؍ہلاک، 20؍سے زائد شدید زخمی

امراوتی،21اگست:(اردودنیانیوز.کام/ایجنسیز)آندھرا پردیش کے اناکاپلے کے اچیوتا پورم SEZ میں Ascensia کمپنی میں ری ایکٹر دھماکے کے نتیجے میں چار افراد کی موت ہوگئی ہے جبکہ 20 سے زیادہ لوگ شدید زخمی ہو گئے۔ زخمیوں کو علاج کے لیے اناکاپلے این ٹی آر اسپتال اور مقامی نجی اسپتال میں داخل کرایا گیا ہے۔ بتایا جا رہا ہے کہ حادثہ آج دوپہر کے وقت پیش آیا۔ فی الحال پولیس اور فائر مین موقع پر پہنچ گئے ہیں اور راحت اور بچاؤ کا کام جاری ہے۔جولائی کے مہینے میں آندھرا پردیش کے این ٹی آر ضلع میں ایک سیمنٹ فیکٹری میں دھماکہ ہوا تھا جس میں 16 مزدور زخمی ہوئے تھے۔

مقامی ملازمین کے علاوہ زخمی ملازمین میں اتر پردیش، مدھیہ پردیش اور بہار کے ملازمین شامل ہیں۔ اطلاعات کے مطابق یہ حادثہ بوائلر پھٹنے سے پیش آیا۔سال 2023 میں آندھرا پردیش کے انکاپلے ضلع کے اچیوتا پورم میں واقع ساتھی فارما کمپنی میں دھماکے میں سات افراد جھلس کر ہلاک ہو گئے تھے۔ ریاستی حکومت نے ایک بیان میں کہا تھا کہ دھماکے کے وقت پلانٹ میں 35 افراد موجود تھے اور ان میں سے زیادہ تر بحفاظت فرار ہوگئے۔ فارما کمپنی کے سالوینٹ ریکوری پلانٹ میں سالوینٹ بھرتے ہوئے دھماکہ ہوا۔