چھتیس گڑھ میں سڑک حادثہ، 8 افراد ہلاک، 20 سے زائد افراد زخمی

رائے پور ،29اپریل :(اردودنیانیوز.کام/ایجنسیز)چھتیس گڑھ کے بیم تارا میں ایک خوفناک سڑک حادثہ پیش آگیا،جس میں 8 افراد ہلاک ہو چکے ہیں۔ جاں بحق ہونے والوں میں 5 خواتین اور 3 بچے شامل ہیں۔ اس سڑک حادثے میں پک اپ وین اور ٹرک کے درمیان خوفناک تصادم ہوا جس میں 20 سے زائد افراد زخمی ہوگئے۔ تمام زخمیوں کو علاج کے لیے بیمترا ضلع اسپتال میں داخل کرایا گیا ہے۔ زخمیوں میں سے 4 کی حالت تشویشناک ہے۔

حادثے کے بارے میں بیم تارا ایس پی رام کرشن ساہو نے بتایا کہ یہ حادثہ اس وقت پیش آیا جب پک اپ سڑک کے کنارے کھڑے ٹرک سے ٹکرا گئی۔ حادثہ اتنا شدید تھا کہ اس سے پک اپ میں سوار تمام افراد متاثر ہوئے۔ بیم تارا ضلع اسپتال پہنچنے پر ڈاکٹروں نے 3 بچوں اور 5 خواتین سمیت 8 افراد کو مردہ قرار دے دیا۔ جبکہ زخمیوں کا علاج بیم تارا ضلع اسپتال میں کیا جا رہا ہے۔

پولیس کی معلومات کے مطابق یہ واقعہ 28 اپریل کی رات 11 بجے سے پہلے کا ہے۔ پولیس کو گیارہ بجے اس کی اطلاع ملی۔موقع پر پہنچ کر اطلاع ملی کہ پک اپ میں سوار تمام لوگ کسی فیملی تقریب سے گھر واپس جا رہے تھے۔ اس دوران پک اپ سڑک کے کنارے کھڑے ٹرک سے ٹکرا گئی۔ تمام لوگ ضلع کے ہی گاؤںکے رہنے والے ہیں۔ مرنے والوں میں بھوری نشاد (50 سال)، نیرا ساہو (55 سال)، گیتا ساہو (60 سال)، آگریا ساہو (60 سال)، خوشبو ساہو (39 سال)، مدھو ساہو (5 سال)، ریکیش نشاد (6 سال) شامل ہیں۔