جرائم و حادثاتسرورققومی خبریں
رونگٹے کھڑے کردینی والی ناکام داستانِ محبت-وار پہ وار 45؍وار ،نابالغہ متوفیہ ساکشی کا قتل، ملزم ساحل گرفتار
حیرانی کی بات یہ ہے کہ ساحل جب گلی میں نابالغ لڑکی پر چاقو سے حملہ کر رہا تھا تو وہاں کھڑے لوگ خاموش تماشائی بنے دیکھتے رہے ۔
نئی دہلی ،29مئی :(اردودنیانیوز.کام/ایجنسیز) ساحل نامی نوجوان نے معمولی جھگڑے کے بعد اپنی نابالغ دوست ساکشی Sakshi Malik کو چاقو سے۴۵؍مرتبہ وار کر کے ابدی نیند سلادیا۔ جرم کا یہ خوفناک واقعہ راجدھانی نئی دہلی کے شاہ آباد ڈیری علاقے میں پیش آیا ۔ الزام ہے کہ ساحل سے لڑکی کی کسی بات پر کہا سنی ہو گئی تھی،لڑکی سے ملزم ساحل سے ری لیشن شپ تھا۔ ساحل اس قدر ناراض تھا کہ ساکشی پر چاقو اور پتھر سے حملہ کر اس کا قتل کر دیا۔ لڑکی پر تقریباً 45 حملے کیے گئے۔ حیرانی کی بات یہ ہے کہ ساحل جب گلی میں نابالغ لڑکی پر چاقو سے حملہ کر رہا تھا تو وہاں کھڑے لوگ خاموش تماشائی بنے دیکھتے رہے ۔
رپورٹس کے مطابق ملزم لڑکی کو بری طرح زخمی کر موقع سے فرار ہو گیا۔ بیہوش لڑکی کو علاج کے لیے اسپتال میں داخل کرایا گیا، لیکن وہ تب تک زندگی کی جنگ ہار چکی تھی۔ اس قتل واقعہ کے بارے میں دہلی پولیس کا کہنا ہے کہ ساکشی اور ساحل کے آپس میں رلیشن شپ تھے۔ گزشتہ دن دونوں کے درمیان کسی بات کو لے کر رنجش ہو گئی تھی۔ اسی ناراضگی میں ساحل نے ساکشی کو مارنے کا تہیہ کر لیا تھا۔
یہی وجہ ہے کہ ساحل اپنے ساتھ چاقو لے کر ساکشی کے پاس پہنچا تھا۔ اس چاقو سے جب یکے بعد دیگرے ساحل نے لڑکی پر درجنوں بار حملے کیے تو اسے بچنے کا ذرا بھی موقع نہ مل سکا۔اتوار کے روز پیش آئے اس واقعہ کا سی سی ٹی وی فوٹیج سامنے آیا ہے جس کو دیکھنے سے پتہ چلتا ہے کہ ساکشی پر حملہ کر رہا ساحل کے سر پر قتل کرنے کا بھوت سوار تھا۔ ایک شخص نے ساحل کو روکنے کی کوشش کی، لیکن پھر وہ ساحل کا غصہ دیکھ کر دور ہو گیا۔ملزم ساحل نے قریب میں ہی نالی پر رکھے ایک پتھر کو اٹھایا اور سر پر مار کچل دیا۔ جب ساکشی کے جسم میں کوئی حرکت نہیں ہو رہی تھی تو حیوانیت کی مثال بن چکا ساحل وہاں سے چیختے چلاتے ہوئے فرار ہو گیا۔واقعہ کی جانکاری پولیس کو ملی تو فوراً جائے حادثہ پر پہنچی اور تحقیقات شروع کر دی۔
نابالغ بچی کے کنبوں کو اس واقعہ کی اطلاع دی گئی اور ان کے آنے کے بعد ہی لاش کو پوسٹ مارٹم کے لیے بھیجا گیا۔ فوری طور پر ملزم کی تلاش شروع کر دی گئی اور اب اس میں کامیابی بھی مل گئی ہے۔
تازہ ترین اطلاعات کے مطابق دہلی پولیس نے ملزم ساحل کو یوپی کے بلند شہر سے گرفتار کرلیا ہے۔ اس سے قبل بتایا گیا تھا کہ ملزم نے اپنا موبائل بند کر دیا ہے جس کی وجہ سے تلاشی میں مشکلات کا سامنا کرنا پڑ رہا تھا۔ قاتل کو تلاش کرنے کے لیے پولیس کی کچھ ٹیمیں بھی تشکیل دی گئی تھیں۔اس واقعہ کے تعلق سے دہلی کے وزیر اعلیٰ اروند کجریوال نے دہلی کے نظامِ قانون کو لے کر لیفٹیننٹ گورنر (ایل جی) ونئے کمار سکسینہ کو تنقید کا نشانہ بنایا ۔ کجریوال نے کہا ہے کہ دہلی میں برسرعام ایک نابالغ بچی کا بے رحمی سے قتل کر دیا جاتا ہے، یہ بے حد افسوسناک اور تکلیف دہ ہے۔ جرائم پیشے بے خوف ہوگئے ہیں، پولیس کا کوئی ڈر ہی نہیں ہے۔
Sakshi, a 16-year-old minor Hindu girl, was brutually murdered by a man named Sahil (father’s name Sarfaraz) in Shahabad Dairy, Delhi. Sahil stabbed Sakshi 20 times, then crushed her with a stone. People stood watching all this and no one came forward.. +pic.twitter.com/sJOCyuxKcg
— The Analysis (@TheAnalysis7) May 29, 2023
ایل جی صاحب، نظامِ قانون آپ کی ذمہ داری ہے، کچھ کیجیے۔ دہلی کے لوگوں کی سیکورٹی سب سے اہم ہے۔دوسری طرف دہلی ویمن کمیشن کی سربراہ سواتی مالیوال نے بھی مرکزی حکومت اور دہلی پولیس کو کٹہرے میں کھڑا کیا ہے۔ ڈی سی ڈبلیو چیف نے کہا کہ ایک 16 سالہ لڑکی کو 50-40 بار چاقو مارا گیا اور پھر پتھر سے کئی بار حملہ کیا گیا جس کے بعد اس کی موت ہو گئی۔ یہ سب سی سی ٹی وی کیمرے میں قید ہو گیا ، سب لوگ اس واقعہ کو دیکھتے رہے، کسی نے مقتول نابالغہ کوبچانے کی کوشش نہ کی۔ آخر دہلی میں یہ کیا ہورہاہے؟ ۔
