ساکی ناکا ریپ کیس: ٹھاکرے نے انسانیت پر دھبہ قراردیا ، فاسٹ ٹریک کورٹ میں سماعت کاحکم
ممبئی،11ستمبر:(اردودنیا.اِن/ایجنسیاں) مہاراشٹر کے وزیراعلیٰ ادھو ٹھاکرے نے ممبئی کے ساکی ناکا میں ایک خاتون کے ریپ اور قتل کے واقعے کو انسانیت پر دھبہ قرار دیا ہے۔ ساتھ ہی اس معاملے میں ایک فاسٹ ٹریک سماعت کا وعدہ کیا ہے۔ #مہاراشٹرا کے وزیر اعلی ادھو #ٹھاکرے نے کہا کہ مجرم کو سخت سزا دی جائے گی۔مہاراشٹر کے وزیراعلیٰ ادھو ٹھاکرے نے ایک بیان میں کہا کہ اس کیس کی جلد سماعت کی جائے گی اور متاثرہ کو انصاف دیا جائے گا جو آج مر گئی۔
وزیراعلی نے کہا کہ انہوں نے اس معاملے پر ریاستی وزیر داخلہ دلیپ والسے پاٹل اور ممبئی پولیس کمشنر ہیمنت ناگرالے سے بات چیت کی ہے۔ انہوں نے کہا کہ میں نے عہدیداروں کو ہدایت دی ہے کہ معاملے کی تحقیقات میں تیزی لائی جائے۔ممبئی پولیس کمشنر ہیمنت ناگرلے نے کہاکہ خصوصی تحقیقاتی ٹیم تشکیل دی گئی ہے۔
وزیراعلیٰ نے فاسٹ ٹریک کورٹ میں سماعت کی ہدایات دی ہیں۔ بدقسمتی سے متاثرہ آج صبح علاج کے دوران فوت ہوگئی اور ہم نے سیکشن 307 کو 302 میں تبدیل کردیا ہے۔ تفتیش سے پتہ چلا ہے کہ اس میں صرف ایک شخص ملوث ہے۔پولیس نے بتایا کہ 34 سالہ خاتون سنیچر کی صبح ممبئی کے میونسپل ہسپتال میں دم توڑ گئی۔
انہوں نے بتایا کہ اس کے ساتھ زیادتی کی گئی اور ساکی ناکا میں سڑک کے کنارے کھڑی کار میں لوہے کی راڈ سے #وحشیانہ حملہ کیا گیا۔ پولیس کے مطابق اس سلسلے میں ایک 45 سالہ شخص کو گرفتار کیا گیا ہے۔
