نئی دہلی،31جولائی :(اردودنیا.اِن/ایجنسیاں)آئی پی ایس سنجیو اروڑہ دہلی پولیس کے نئے کمشنر ہوں گے۔ وہ تمل ناڈو کیڈر کے 1988 بیچ کے آئی پی ایس افسر ہیں۔ بتادیں کہ آج انہیں انٹر کیڈر ڈیپوٹیشن پالیسی کے تحت تمل ناڈو کیڈر سے کیڈر میں منتقل کیا گیا ہے۔ اس کے ساتھ ہی اس کیڈر میں آتے ہی انہیں دہلی پولیس کے نئے کمشنر کی ذمہ داری سونپی گئی۔واضح ہوکہ آئی پی ایس سنجے اروڑہ نے مالویہ نیشنل انسٹی ٹیوٹ آف ٹیکنالوجی، جے پور (راجستھان) سے الیکٹریکل اور الیکٹرانکس انجینئرنگ میں بیچلر کی ڈگری حاصل کی ہے۔ آئی پی ایس میں شامل ہونے کے بعد انہوں نے تمل ناڈو پولیس میں مختلف عہدوں پر کام کیا۔
وہ اسپیشل ٹاسک فورس کے سپرنٹنڈنٹ آف پولیس (ایس پی) تھے، جہاں انہوں نے ویرپن گینگ کے خلاف اہم کامیابی حاصل کی، جس کے لیے انہیں چیف منسٹر گیلنٹری میڈل سے نوازا گیا۔ این ایس جی سے تربیت حاصل کرنے کے بعد، 1991 میں، اروڑا نے ایل ٹی ٹی ای کی سرگرمی کے عروج کے دنوں میں تمل ناڈو کے وزیر اعلیٰ کو سیکورٹی فراہم کرنے کے لیے خصوصی سیکورٹی گروپ کی تشکیل میں اہم کردار ادا کیا۔انہوں نے تمل ناڈو کے مختلف اضلاع کے پولیس سپرنٹنڈنٹ کے طور پر بھی خدمات انجام دیں۔ انہیں 1997 سے 2002 تک کمانڈنٹ کے طور پر انڈو تبت بارڈر پولیس میں خدمات انجام دینے کا اعزاز حاصل ہے۔
1997 سے 2000 تک، انہوں نے اتراکھنڈ کے ماتلی میں آئی ٹی بی پی بٹالین کی سرحدی محافظ فورس کی کمانڈ کی۔بطور ٹرینر انہوں نے تربیت کے میدان میں نمایاں خدمات انجام دیں۔ 2000 سے 2002 تک انڈو تبت بارڈر پولیس اکیڈمی، مسوری میں کمانڈنٹ (کمبیٹ ونگ) کے طور پر خدمات انجام دیں۔ پھر انہوں نے 2002 سے 2004 تک کوئمبٹور شہر کے پولیس کمشنر کے طور پر خدمات انجام دیں۔ انہوں نے ڈپٹی انسپکٹر جنرل آف پولیس، ولوپورم رینج اور ڈپٹی ڈائریکٹر ویجیلنس اور انسداد بدعنوانی کے طور پر بھی کام کیا ہے۔انہوں نے ایڈیشنل کمشنر – کرائم اور ہیڈ کوارٹر اور ایڈیشنل کمشنر – ٹریفک کے طور پر چنئی سٹی پولیس کی سربراہی کی ہے۔
ترقی پر انہیں تملناڈو پولیس میں اے ڈی جی پی (آپریشنز) اور اے ڈی جی پی (ایڈمنسٹریشن) کے طور پر تعینات کیا گیا۔انہوں نے آئی جی (اسپیشل آپریشنز) بی ایس ایف، آئی جی چھتیس گڑھ سیکٹر سی آر پی ایف اور آئی جی آپریشنز سی آر پی ایف کے طور پر کام کیا ہے۔ آئی ٹی بی پی کے ڈائریکٹر جنرل کے عہدے پر تعینات ہونے سے پہلے وہ اے ڈی جی ہیڈکوارٹر اور آپریشنز سی آر پی ایف اور اسپیشل ڈی جی جموں و کشمیر زون سی آر پی ایف کے طور پر بھی خدمات انجام دے چکے ہیں۔انہیں 2004 میں پولیس میڈل برائے شاندار خدمات، 2014 میں صدر کا پولیس میڈل برائے امتیازی خدمات، پولیس اسپیشل ڈیوٹی میڈل، انٹرنل سکیورٹی میڈل اور اقوام متحدہ کے امن تمغہ سے نوازا جا چکا ہے۔
