سیسودیا کی گرفتاری پر بھڑکے سنجے راوت کہا- کیا بھاجپا میں ہمالیہ سے لائے گئے سنت، مہاتما یا سادھو بیٹھے ہیں؟

ممبئی ، 27فروری:(اردودنیا.اِن/ایجنسیز) دہلی کے نائب وزیر منیش سیسودیا کو ایکسایز پالیسی گھوٹالے کے معاملے میں سی بی آئی نے گرفتار کیا ہے۔ اس گرفتاری کی مخالفت عام آدمی پارٹی سمیت بہت سی اپوزیشن پارٹیوں نے کی ہے نیز، مودی حکومت کیخلاف ایک محاذ کھول دیا گیا ہے۔ شیو سینا (ادھو) کے رکن پارلیمنٹ سنجے راوت Sanjay Raut نے کہا کہ جس طرح سے منیش سیسودیا کے خلاف کارروائی کی گئی ہے، اس سے ایسا لگتا ہے کہ مرکزی حکومت اپنے مخالفین کی آواز کو دبانے کی کوشش کر رہی ہے۔ کیا سنت ، کیا بی جے پی میں ہمالیہ سے لائے گئے سنت، مہاتما یا سادھو بیٹھے ہیں؟

ہماری پارٹی منیش سیسودیا کے ساتھ کھڑی ہوگی۔منیش سیسودیا کی گرفتاری پر سنجے راوت نے بی جے پی پر طنز کیا اور کہا،جس طرح بی جے پی اپوزیشن کے رہنماؤں کو گرفتار کر رہی ہے، مجھے ڈر ہے کہ مستقبل میں بی جے پی کے رہنماؤں کا کیا ہوگا جب وہ اقتدار سے باہر ہوں گے، کیا ہوگا اگر ان کو یکساں طور پر ستایا یا گرفتار کیا جائے؟ ان کی مدد کرنے کون آئے گا؟غور طلب بات یہ ہے کہ اتوار کے روز منیش سیسودیا سے تقریباً 9 گھنٹے پوچھ گچھ کی گئی۔

جس کے بعد منیش سیسودیا کو گرفتار کیا گیا تھا۔ اس گرفتاری کے بعد عام آدمی پارٹی نے ٹوئٹ کیا اور لکھا، یہ جمہوریت کے لئے ایک سیاہ دن ہے۔ دہلی کے سی ایم اروند کجریوال نے ٹوئٹ کیا اور کہا کہ منیش سیسودیا بے قصور ہے۔ اس کی گرفتاری گندی سیاست ہے۔ منیش کی گرفتاری کی وجہ سے لوگوں میں بہت غصہ ہے، لوگ دیکھ رہے ہیں۔ اس سے ہمارے حوصلہ بڑھ جائیں گے۔ ہماری جدوجہد میں اضافہ ہوگا ۔