معذور افراد کو گھر گھر ویکسین دینے کے لیے مرکز کو نوٹس-سپریم کورٹ نے دو ہفتوں میں جواب مانگا

نئی دہلی20ستمبر:(اردودنیا.اِن/ایجنسیاں)سپریم کورٹ نے ملک بھر میں معذور افراد کو گھر گھر ویکسینیشن فراہم کرنے پر مرکزی حکومت کو نوٹس جاری کیا ہے اور دو ہفتوں میں جواب طلب کیا ہے۔ جسٹس ڈی وائی چندرچوڑ کی بنچ نے کہاہے کہ سالیسٹر جنرل کو اس معاملے میں عدالت کی مدد کرنی چاہیے۔ عدالت نے کہا کہ مرکزی حکومت بتائے کہ اس اہم معاملے میں کیا اقدامات کیے جا رہے ہیں۔

سپریم کورٹ میں ایک پٹیشن داخل کرتے ہوئے ، ایورا فاؤنڈیشن نے معذور افراد کے لیے گھر گھر ویکسینیشن کا مطالبہ کیا ہے۔ درخواست میں کہا گیا ہے کہ یہ لوگ حکومت کی طرف سے قائم کردہ ویکسینیشن مراکز میں جا کر ویکسین حاصل نہیں کر سکتے ، اس لیے حکومت گھر گھر جا کر انہیں ویکسین دے۔

جسٹس چندرچوڑ نے اس پرکہاہے کہ پھر اس معاملے میں دو ہفتے چھوڑدیں ، جواب کے لیے دو ماہ تک انتظار کرنا پڑے گا۔ یعنی اگر ریاستوں کو نوٹس جاری کیے جاتے ہیں تو انھیں جواب دینے میں دو ماہ لگیں گے۔