فلم ’پٹھان‘ کی نمائش کے حوالے سے کئی شہروں میں سکیورٹی سخت

نئی دہلی،24جنوری:(اردودنیا.اِن/ایجنسیز) بالی ووڈ کے کنگ خان یعنی شاہ رخ خان کی فلم پٹھان نے ایڈوانس بکنگ میں تاریخ رقم کردی ہے۔ پٹھان ایڈوانس بکنگ میں ہندوستان کی سب سے زیادہ ٹکٹ بکنے والی فلموں کی فہرست میں شامل ہو گئی ہے۔ یہاں ملک بھر میں اس فلم کی ریلیز سے قبل کئی مقامات پر سیکورٹی بڑھا دی گئی ہے۔ یوپی کے ہاپوڑ میں فلم کو لے کر پولیس الرٹ ہے۔ شہر کے دونوں سینما ہالوں میں پولیس تعینات رہے گی۔ ہاپوڑ میں سنیما آپریٹرز نے پولیس سے سیکورٹی کا مطالبہ کیا۔ شاہ رخ خان کی’ پٹھان‘ فلم کے پیش نظر ہاپوڑ کے سینما گھروں کے باہر پولیس تعینات رہے گی۔اس کے ساتھ ہی وارانسی میں فلم پٹھان کی تیاریاں جاری ہیں۔ شہر کے پی ڈی آر مال کو پینٹ سے سجا کر پٹھان فلم کی ریلیز کی تیاری ہو رہی ہے۔ کورونا کی وجہ سے سینما انڈسٹری کو نقصان پہنچاتھا۔ ایسا لگتا ہے کہ شائقین کی موجودگی بسنت پنچھمی پر ریلیز ہونے والی فلم پٹھان میں رنگ بھر دے گی۔

ملک بھر میں 25 کے قریب سینما گھر دوبارہ کھل چکے ہیں، یہ فلم دنیا کے 100 سے زائد ممالک میں ریلیز کی جا رہی ہے۔ امید کی جا رہی ہے کہ پٹھان فلم انڈسٹری میں نئی جان ڈالیں گے جو مسلسل خسارے سے گزر رہی ہے۔ تین نیشنل سنیما چینز پی وی آر، آئی نیکس اور پولس کے اعداد و شمار بتاتے ہیں کہ پیر کی رات تک اس فلم کے افتتاحی دن کے لیے 4 لاکھ 19 ہزار ٹکٹ فروخت ہو چکے ہیں۔ پہلے دن کی ایڈوانس بکنگ سے 50 کروڑ سے زیادہ کی مجموعی رقم متوقع ہے۔ تھیٹر مالکان کے ساتھ ساتھ بالی ووڈ ستاروں نے بھی امیدیں پیدا کی ہیں کہ فلم انڈسٹری جو کہ کووِڈ کی وبا کے بعد مسلسل طویل خسارے کا شکار ہے، کو ’پٹھان‘ سے نئی اڑان ملے گی۔