ممبئی،25اپریل :(اردودنیانیوز.کام/ایجنسیز) ہندی سنیما کے مشہور پلے بیک سنگرز کی بات کی جائے تو اس میں سنگر شان singer Shaan کا نام ضرور شامل ہوگا۔ شان نے اپنی جادوئی آواز سے سب کا دل جیتا ہے۔ یہی نہیں شان اپنے معصوم انداز کے لیے بھی جانے جاتے ہیں۔ سوشل میڈیا پر کافی مصروف رہنے والے شان نے ٹوپی پہنے اور نماز کی تصویر شیئر کرکے مداحوں کو عید کی مبارکباد دی۔ جس کے بعد گلوکار کوسخت گیر ہندو صارفین کی جانب سے کافی ٹرول کیا گیا۔ اب شان نے اس معاملے کو لے کر ٹرول کرنے والوں پر اپنا غصہ نکالا۔عید کے موقع پر گلوکار شان نے اپنے آفیشل انسٹاگرام ہینڈل پر ایک تصویر شیئر کی۔ جس میں وہ سر پر سفید ٹوپی پہن کر نماز پڑھتے نظر آئے۔
شان کی یہ تصویر پرانی ہے اور اس تصویر کے کیپشن میں شان نے سب کو عید کی مبارکباد دی۔ لیکن جیسے ہی یہ پوسٹ منظر عام پر آئی، شان کو سوشل میڈیا پر کافی ٹرول کرنا شروع کر دیا۔ اپنی تنقید کو دیکھتے ہوئے اسی دن شان نے انسٹاگرام پر ایک ویڈیو بھی شیئر کی، جس میں وہ ٹرولز پر خوب برسے۔ شان نے کہاکہ آج کے دور میں ہر کسی کی سوچ آگے بڑھ رہی ہے، لیکن کچھ لوگ ایسے بھی ہیں جن کی سوچ پیچھے رہ گئی ہے۔ ہمارے ہندوستان کی پہچان یہ ہے کہ ہم تمام تہوار منائیں۔
اس کے ساتھ ساتھ ہر مذہب کا احترام کرنا چاہیے۔ جو لوگ ایسا کرتے ہیں وہ آزادی سے اپنی زندگی گزارتے ہیں۔ ایک دوسرے کے ساتھ پیار سے رہیں، کوئی غلط فہمی نہ پھیلائیں، اس سے نقصان ہی ہوتا ہے اوراس ک سوا کچھ نہیں۔انہو ں نے مزیدکہاکہ ہر مذہب کا احترام انسان کی سوچ پر منحصر ہے،آج ہم ترقی پسند ہندوستان میں رہ رہے ہیں۔ ہمیں ہر ایک کے مذہب کا احترام کرنا چاہیے، ہم کسی مذہب کی شکل اختیار کر کے کسی کے خلاف نہیں جاتے، بلکہ یہ ان کا منانے کا طریقہ ہے۔ میں تہوار کیسے مناؤں، یہ میری سوچ ہے ۔
Singer Shaan gets heavily trolled because he wished for EID and he had to make a video to explain it. The hate is too deep. pic.twitter.com/v6MiO7HbdK
— Drunk Journalist (@drunkJournalist) April 23, 2023
