مہنگائی پرمرکزی حکومت نے پلہ جھاڑا ریاستی حکومتیں پٹرول ،ڈیزل پر VAT کم کریں:ہردیپ سنگھ پوری

نئی دہلی15اپریل:(اردودنیا.اِن/ایجنسیاں)مرکزی پٹرولیم اور قدرتی گیس کے وزیر ہردیپ سنگھ پوری نے کہا ہے کہ مرکزی حکومت ریاستوں سے اپیل کر رہی ہے کہ وہ صارفین کو راحت دینے کے لیے پٹرول اور ڈیزل پر ویلیو ایڈڈ ٹیکس (VAT) کو کم کریں۔ ملک میں ایندھن کی اونچی قیمتوں پر مرکز کو ہر طرف سے تنقید کا سامنا ہے۔

ہردیپ سنگھ پوری ایک دن کے دورے پر چھتیس گڑھ کے مہاسمنڈ آئے تھے۔ اسے مرکزی اسکیم کے تحت خواہش مند اضلاع میں رکھا گیا ہے۔ وہ وزیر اعظم نریندر مودی کے حکم پرقومی سطح پر منائے جانے والے سوشل جسٹس فورنائٹ کے تحت مختلف سرکاری اسکیموں کا جائزہ لینے یہاں آئے تھے۔

ہردیپ سنگھ پوری نے کہاہے کہ ہماری کوشش پٹرول اور ڈیزل کی قیمتوں کو کنٹرول میں رکھنے کی ہے۔ اسی وجہ سے مرکز نے گزشتہ سال پٹرول اور ڈیزل پر ایکسائز ڈیوٹی کم کر دی تھی۔ مرکز نے ریاستوں سے بھی ایسا کرنے کو کہا تھا۔ہردیپ سنگھ پوری نے کہاہے کہ چھتیس گڑھ میں پٹرول اور ڈیزل پرویٹ 24 فیصد ہے۔ اگر اسے 10 فیصد تک لایا جائے تو قیمتیں خود بخود نیچے آجائیں گی۔

جب کھپت بڑھ رہی ہے تو 10 فیصد ویٹ بھی بہت زیادہ ہے۔ انہوں نے کہاہے کہ میں نہ تو وزیر خزانہ ہوں اور نہ ہی بین الاقوامی قیمتوں کو کنٹرول کرتا ہوں۔ ابھی ہماری کوشش ہے کہ مرکزی حکومت کی ذمہ داری اس سے پوری ہو جائے اور ریاستی حکومتوں سے اپیل کی جا رہی ہے۔

ہردیپ سنگھ پوری نے کہاہے کہ بی جے پی کی حکومت والی تمام ریاستوں نے پٹرول اور ڈیزل پر ویٹ کم کر دیا ہے۔ گزشتہ ڈھائی سال سے دیہی علاقوں میں پردھان منتری آواس یوجنا کے تحت رقم نہ ملنے کے سوال پر انہوں نے کہا کہ شہری علاقوں میں کوئی مسئلہ نہیں ہے۔

دیہی علاقوں میں مسئلہ ہے اور اس معاملے پر ریاستی حکومت سے بات کی جائے گی۔ ریاست میں مرکزی وزیر کے دورے کے بارے میں وزیراعلیٰ بھوپیش بگھیل نے کہاہے کہ وہ ریاست میں سیاست کرنے اور اپنی زمین تلاش کرنے آئے ہیں۔

بگھیل نے نامہ نگاروں کو بتایا کہ مرکزی وزیر یہاں کے خواہش مند اضلاع کا دورہ کرنے نکلے ہیں۔ حکومت ہند ان خواہش مند اضلاع کو اضافی رقم نہیں دیتی ہے۔ بستر خطے کے سات اضلاع نکسل متاثر ہیں اور خواہش مند اضلاع ہیں۔ اسے 2021 تک سالانہ 50 کروڑ روپے ملتے تھے، اسے روک دیا گیا ہے۔