لوگ خوبصورت دیکھائی دینے کے لئے کوئی بھی قیمت ادا کرنے کے لئے تیار ہو جاتے ہیں اور اسی لئے بیوٹی انڈسٹری سالانہ تقریباً 532 بلین ڈالر کا بزنس کرتی ہے اور لوگ میک اپ کی صورت میں عارضی خوبصورتی حاصل کرنے کے لئے جہاں بیشمار پیسہ خرچ کرتے ہیں وہاں میک اپ کروانے میں زندگی کا قیمتی وقت بھی ضائع کر دیتے ہیں۔
اس آرٹیکل میں ہم 10 ایسے کھانے شامل کر رہے ہیں جو آپ کی جلد کو میک اپ کے بغیر خوبصورت، چمکدار، جوان اور تروتازہ بنا دیتے ہیں اور اگر ان کھانوں کو آپ اپنی روزانہ کی خوراک میں شامل کریں تو جہاں آپ کو میک اپ کروانے کی ضرورت نہیں رہے گی وہاں آپ صحت مند زندگی سے بھی لطف اندوز ہوں گے۔
مچھلی
چربی والی مچھلیاں اومیگا تھری فیٹی ایسڈز سے بھرپور کھانا ہے اور یہ فیٹی ایسڈ جہاں صحت کے لئے دیگر فوائد رکھتا ہے وہاں جسم سے سوزش ختم کرتا ہے اور جلد کی نمی کو نارمل رکھنے میں مدد دیتا ہے، مچھلی میں موجود پروٹین، وٹامنز اور منرلز جلد اور بالوں کو صحت مند بناتے ہیں اور جسم پر بْڑھاپا پیدا ہونے کے اثرات کو سْست کر دیتے ہیں۔
ایووکاڈوز Avocado ناشپاتی
ناشپاتی پھل صحت کے لئے مفید چکنائی کا خزانہ ہے جو جہاں جسم کے باقی افعال کو درست رکھتا ہے وہاں ہماری جلد کو صحت مند بناتا ہے۔تحقیق سے یہ بات ثابت ہے کہ ایووکاڈو میں ایسے کمپاونڈز شامل ہیں جو ہماری جلد کو سورج کی تیز شعاؤں سے متاثر ہونے سے بچاتے ہیں اور اس پھل میں شامل وٹامن E, C ہماری جلد کے لئے انتہائی مفید وٹامنز ہے جو جلد کی نشوونما کرنے اور اسے بیماری سے بچانے میں اہم کردار ادا کرتے ہیں۔
اخروٹ
بیشمار خوبیوں کا حامل ڈرائی فروٹ کا بادشاہ اخروٹ غذائی صلاحیت سے بھرپور غذا ہے اور اس میں شامل چکنائی، پروٹین، وٹامن ای، سیلینیم اور زنک ہماری جلد کو تروتازہ و تندرست بناتے ہیں اور اسے جوان رکھتے ہیں۔
سورج مکھی کے بیج
ڈرائی فروٹس اور بیج ہماری سکن کے لئے انتہائی مفید کھانے ہیں، سورج مکھی کے بیج وٹامن ای، سلینیم، زنک وغیرہ سے بھرپور ہوتے ہیں اور یہ وٹامنز اور منرلز آپ کے چہرے پر قْدرتی طور پر ایسا میک اپ کرتے ہیں جو چہرہ دھونے سے اْترتا نہیں ہے بلکہ اور نکھر جاتا ہے۔
شکر قندی
ایسی سبزیاں اور پھل جن میں بیٹا کیروٹین شامل ہو جلد کیلئے انتہائی مْفید مانی جاتی ہے اور یہ کمپاونڈ کینو، مالٹا، گاجر اور مالٹے رنگ کی سبزیوں اور فروٹس میں کثرت سے پایا جاتا ہے، یہ جلد کو سورج کی خطرناک شعاؤں سے متاثر ہونے سے بچاتا ہے اور ساتھ ہی ہماری بینائی کو تیز کرتا ہے۔
سرخ اور پیلی شملہ مرچ
ان دونوں سبزیوں میں بھی بیٹا کیروٹین کے ساتھ وٹامن سی بھی پایا جاتا ہے اور وٹامن سی جلد کے لئے کلوجن ( ایک طرح کی پروٹین) پیدا کرنے میں اہم کردار ادا کرتا ہے اور یہ پروٹین جلد کی غذا ہے۔
بروکلی
پودوں سے حاصل ہونے والی پروٹین کا خزانہ یہ سبزی ایسے کمپاونڈز پر مشتعمل ہوتی ہے جو ہمارے سارے جسم کی صحت پر اچھے اثرات مرتب کرتے ہیں خاص طور پر یہ ہماری جلد کے لئے انتہائی مْفید ہیں اور جلد کا رنگ صاف کر کے اْسے تروتازہ بناتے ہیں۔
ٹماٹر
ٹماٹر میں وہ تمام غذائی صلاحیتیں موجود ہیں جو گالوں پر قدرتی لالی بحال کرنے میں مدد کرتی ہیں اور اس سبزی کے وٹامنز اور منرلز ہماری جلد کی بیرونی خطرات سے حفاظت کرتے ہیں اور جلد کو بْوڑھا نہیں ہونے دیتے۔
سبز چائے
آج کی میڈیکل سائنس تسلیم کرتی ہے کہ سبز چائے صحت کے لئے ایک اکسیر چیز ہے خاص طور پر اس میں شامل طاقتور اینٹی آکسائیڈینٹس ہماری جلد کی حفاظت کرتے ہیں اور جلد کی ریڈنس کو ختم کرتے ہیں اور جلد کو ڈی ہائیڈریٹ ہونے سے بچاتے ہیں اور جلد کی لچک کو برقرار رکھتے ہیں۔
سرخ انگور
اس پھل میں شامل اینٹی آکسائیڈینٹس جلد کو فری ریڈکلز کے حملے سے بچاتے ہیں اور جلد کو جوان رکھنے اور خوبصورت بنانے میں اہم کردار ادا کرتے ہیں۔
پانی
پانی کی کمی جلد پر بری طرح اثر انداز ہوتی ہے اور جلد کی ڈی ہائیڈریشن وقت سے پہلے جہاں بڑھاپا پیدا کرتی ہے وہاں جلدکی کئی اور بیماریوں کا باعث بھی بنتی ہے۔اس لئے روزانہ کم از کم 8 گلاس پانی پینا اپنا معمول بنائیں اور صحت مند زندگی سے لطف اندوز ہوتے رہیں۔
