احمد آباد: (اردودنیا.اِن)ہندوستان کے سابق کپتان اور عظیم بلے باز سنیل گواسکر کو ٹیسٹ کرکٹ میں ڈیبو کیے ہوئے 50 سال ہوگئے ہیں۔ اس موقع پر بی سی سی آئی نے آج احمد آباد کے نریندر مودی اسٹیڈیم میں انہیں اعزاز سے نوازا ۔ہندوستان اور انگلینڈ کے مابین چوتھے کرکٹ ٹیسٹ کے تیسرے دن لنچ بریک کے دوران بی سی سی آئی کے سکریٹری جے شاہ نے 71 سالہ سابق کپتان کو یادگاری ٹوپی پیش کی۔
بی سی سی آئی نے ٹویٹ کیا کہ آج ٹیسٹ کرکٹ میں سابق ہندوستانی کپتان سنیل گواسکر کے ڈیبو کے 50 سال پورے ہونے کا جشن ہے۔ جے شاہ نے اپنے ٹویٹر ہینڈل پر ان کی تصویر لگائی۔
Join me in celebrating the 50th anniversary of Shri Sunil Gavaskar Ji's Test debut for 🇮🇳. It is indeed a momentous occasion for all Indians and we are getting to celebrate it at the world's largest cricket facility Narendra Modi Stadium 🏟️ @ICC @BCCI pic.twitter.com/NzolBqvKzI
— Jay Shah (@JayShah) March 6, 2021
انہوں نے لکھا کہ ہندوستان کے لئے ٹیسٹ کرکٹ میں پہلی بار سنیل گواسکر جی کے 50 سال پورے ہونے کا جشن ۔ یہ تمام ہندوستانیوں کے لئے ایک بہت بڑا لمحہ ہے اور ہم اسے دنیا کے سب سے بڑے نریندر مودی اسٹیڈیم میں منا رہے ہیں۔
گواسکر نے 1971 سے 1987 تک ہندوستان کے لئے 125 ٹیسٹ اور 108 ون ڈے کھیلے اور بالترتیب 10122 اور 3092 رنز بنائے ۔ وہ 1983 میں ورلڈ کپ چمپئن ٹیم کا بھی حصہ تھے ۔ سچن تندولکرنے 2005 میں ٹیسٹ میں سب سے زیادہ سنچری بنانے کا ان کا ریکارڈ توڑا تھا۔ گواسکر نے ویسٹ انڈیز کے خلاف ڈیبو میچ میں پہلی اننگز میں 65 اور دوسری میں 67 رنز بنائے تھے۔ ہندوستان نے وہ میچ اور سیریز دونوں اپنے نام کیا تھا۔
