نئی دہلی،24؍ جون :(اردودنیا/ایجنسیاں)بیشتر #ریاستی بورڈوں نے 12 ویں کلاس کے #امتحانات منسوخ کردیئے ہیں۔ ایسی صورتحال میں سپریم کورٹ نے ان تمام ریاستی بورڈوں کو 31 جولائی تک 12 ویں کے نتائج کا اعلان کرنے کا حکم دیا ہے۔ #سپریم کورٹ نے کہا کہ جن ریاستوں نے ابھی تک داخلی تشخیص کی اسکیم تیار نہیں کی ہے ، ان کے پاس ابھی دن وقت ہے۔
اس سے قبل سنٹرل بورڈ آف سیکنڈری ایجوکیشن (سی بی ایس ای) نے سپریم کورٹ کو بتایا تھا کہ اس کا منصوبہ ہے کہ 12ویں جماعت کے طلبا کے لئے تشخیصی معیار دسویں اور 11 ویں جماعت کے نتائج پر مبنی ہوگا۔ سی بی ایس ای نے بتایا کہ 12 ویں کے کل نمبرات گزشتہ امتحانات کی کارکردگی کی بنیاد پر ہوں گے۔ بورڈ نے بتایا تھا کہ نتائج 31 جولائی تک جاری کردیئے جائیں گے۔
دوسری طرف #اتر پردیش کے نائب وزیر اعلی دنیش شرما نے لکھنؤ میں کہا تھا کہ یوپی بورڈ کلاس 10 اور 12 کے نتائج اور مارک شیٹ کا اعلان جولائی میں کردیا جائے گا ۔ اترپردیش بورڈ آف سیکنڈری ایجوکیشن (یو پی ایم ایس پی) نے 20 جون کو #دسویں اور بارہویں جماعت کے طلبا کی تشخیص کے لئے ایک نئے فارمولے کا اعلان کیا تھا۔سی بی ایس ای بورڈ نے کلاس 12 کے امتحانات کے لئے اپنے تشخیصی معیار کو پیش کرتے ہوئے عدالت کو بتایا تھا کہ 40 فیصد نمبر کلاس 12 پری بورڈ پر مبنی ہوں گے۔
جبکہ دسویں اور گیارہویں کے امتحانات میں بھی 30-30 فیصد نمبر شامل کیے جائیں گے۔ بورڈ نے 12 ویں کے رزلٹ میں گزشتہ امتحانات کی کارکردگی کو بھی اہمیت دینے کا فیصلہ کیا ہے۔واضح رہے آئی سی ایس ای کا کہنا ہے کہ نتائج کا اعلان 20 جولائی کے بجائے 31 جولائی سے پہلے کیا جائے گا۔
