بلڈ پریشر میں کمی کی علامات

15/08/2022Last Updated: 15/08/2022

2 minutes read

اگر آپ کو معمولی سی مشقت سے چکر محسوس ہوتے اور توجہ مرکوز رکھنے میں دشواری آتی ہے تو آپ کو محتاط رہنا چاہیے۔ یہ بلڈ پریشر میں کمی کی علامت ہو سکتی ہے۔ ایک تحقیق کے مطابق اگرچہ چکر آنا یا سر درد کا مسئلہ عام سا معلوم ہوتا ہے لیکن یہ تیزی سے صحت کی خرابی کی طرف جا سکتا ہے اور اس سے بیہوشی طاری ہو سکتی ہے۔ ایسے میں بلڈ پریشر میں کمی کی وجوہات اور اس کی علامات کے بارے میں جان کر اس پر قابو پایا جا سکتا ہے۔

بلڈ پریشر میں کمی کیا ہے؟

ماہرین صحت کے خیال میں عام طور پر بلڈ پریشر کا دباؤ 60 سے کم نہیں ہونا چاہیے۔ یہ تناسب کسی شخص کے لیے خطرناک ثابت ہوسکتا ہے جبکہ دوسرے شخص کی جسامت کے لحاظ سے بالکل نارمل ہو سکتا ہے۔ اس لیے ڈاکٹروں کا اس کے بارے میں اختلاف ہے اور وہ اس بات پر متفق ہیں کہ بلڈ پریشر کو اس وقت ہلکا نہیں لیا جا سکتا جب اس کی کچھ علامات ظاہر ہو جائیں۔

بلڈ پریشر کی علامات

چکر آنا
توجہ مرکوز نہ کر سکنا
دھندلاپن
قے کرنا
ضرورت سے زیادہ تھکاوٹ
بیہوش ہونا

بلڈ پریشر میں کمی کا سبب

کچھ روزمرہ معمولات بھی ایسے ہیں جو بلڈ پریشر کم کرنے کا باعث بنتے ہیں۔ براہ راست سورج کی روشنی میں زیادہ وقت گزارنا، بلند درجہ حرارت کے دوران کوئی جسمانی سرگرمی انجام دینا، گرم ٹب میں لمبا وقت گزارنا، جسم میں پانی کی کمی کی حالت میں پانی میں داخل ہونا، بلڈ پریشر کو متاثر کرنے والے عوامل ہیں۔

بلڈ پریشر پرکھنے کے لیے گھروں میں موجود ڈیجیٹل آلات پر ہی اعتماد نہیں کرنا چاہیے، اس کے لیے دن بھر کے معمول کا اندازہ لگائیں اور دن میں کئی مرتبہ بلڈ پریشر چیک کریں، کیونکہ بہت سے عوامل ہیں جو بلڈ پریشر کو متاثر کرتے ہیں۔

بلڈ پریشر کا ٹیسٹ سونے اور بیٹھنے کے دوران مختلف آتا ہے۔

دن کا وقت

جیسے جیسے سونے کا وقت قریب آتا ہے بلڈ پریشر کم ہونے لگتا ہے۔ دن میں جسم کو جس قدر تناؤ کا سامنا کرنا پڑتا ہے اس سے بھی دوران خون بدلتا ہے۔ ٹیسٹ سے پہلے آپ نے کتنی دیر قبل کھانا کھایا ہے۔ اس کا بھی اثر ہوتا ہے۔

کسی خاص بیماری کی ادویات استعمال کرنے کی وجہ سے بھی بلڈ پریشر میں کمی ہوتی ہے۔