دمشق:(اردودنیا.اِن/ایجنسیاں)شامی صدر #بشارالاسد (President Bashar al–Assad)نے متنازعہ انتخابات میں 95 فیصد ووٹ لینے کے بعد ہفتے کے روز جنگ سے تباہ حال شام میں چوتھی مدت کے لئے اپنے عہدے کا حلف لیا۔ حلف برداری کی تقریب #دارالحکومت #دمشق میں واقع #صدارتی محل میں منعقد ہوئی اور اس تقریب میں ارکان پارلیمان، سیاسی اور مذہبی شخصیات کے ساتھ ساتھ #فوجی #اہلکاروں نے شرکت کی۔
بشارالاسد سن 2000 سے شام (Syria) میں صدارتی عہدے پر فائض ہیں۔ مغربی ممالک اور اسد کے سیاسی مخالفین نے مئی میں ہونے والے انتخابات کو ناجائز اور شرمناک قرار دیا تھا۔ اقوام متحدہ کے اندازوں کے مطابق 80 فیصد سے زیادہ شامی شہری غربت کی نچلی ترین سطح پر زندگی بسر کر رہے ہیں۔26مئی کو ہونے والے انتخابات کے موقع پر ، ریاستہائے متحدہ ، برطانیہ ، فرانس ، جرمنی اور اٹلی نے کہا کہ رائے شماری "نہ تو آزاد ہے اور نہ ہی منصفانہ” ہے۔
