تمل ناڈو: سابق وزیراعلیٰ جے للتا کی سمادھی پہنچ کر جذباتی ہوئی ششی کلا ، اپوزیشن خیمے میں بڑھی ہلچل

چنئی، 16 اکتوبر:(اردودنیا.اِن/ایجنسیاں)جیل سے رہائی کے بعد پہلی بار اے آئی اے ڈی ایم کے کی سابق جنرل سکریٹری وی کے سشی کلا نے ہفتہ کو آنجہانی وزیر اعلیٰ جے للتا کی سمادھی کا دورہ کیا۔ پارٹی کی سلور جبلی تقریبات سے صرف ایک دن پہلے انہوں نے جے للتا کی سمادھی پہنچ کر اپوزیشن خیمے میں ہلچل مچا دی ہے۔

جے للتا کی خاص دوست ششی کلا اس سے قبل چار سال قید کی سزا سنانے سے قبل 2017 ان کی سمادھی گئی تھیں۔ جے للتا کی سمادھی پہنچنے والی ششی کلا بہت جذباتی نظر آئیں اور نم آنکھوں سے انہیں خراج عقیدت پیش کیا۔ سیاست سے دور رہنے کا اعلان کرنے والی سشی کلا ایک بار پھر سیاسی اننگز شروع کرنے جارہی ہیں۔

اس کے تحت وہ اتوار کو پارٹی کے بانی ایم جی رام چندرن کے گھر بھی جا سکتی ہیں۔ اگر ذرائع پر یقین کیا جائے تو وہ اس دوران کئی سینئر لیڈران سے بھی ملیں گی۔سال کے آغاز میں ششی کلا نے اعلان کیا تھا کہ وہ سیاست سے دور رہیں گی۔ اس کے پیچھے انہوں نے پارٹی کی لڑائی کووجہ بتایا تھا۔

انہوں نے کہا تھا کہ اس کا قیام پارٹی کو نقصان پہنچائے گا لیکن اے آئی اے ڈی ایم کے کے اسمبلی انتخابات ہارنے کے بعد ششی کلا ایک بار پھر سیاست میں سرگرم ہیں۔اے آئی اے ڈی ایم کے پارٹی کے دو سینئر لیڈران کے درمیان اختلاف پیدا ہو گیاتھا۔ یہ اختلاف بھی منظر عام پر آیا جس سے پارٹی کی شبیہ متاثر ہوئی اور انتخابات میں بھی بہت نقصان ہوا۔ اسی وجہ سے ششی کلا نے خود کو سیاست سے دور کرلیا لیکن حال ہی میں انہوں نے دوبارہ سیاست میں آنے کا اعلان کیا تھا۔