نئی دہلی14جولائی:(اردودنیا.اِن/ایجنسیاں)بدھ کے روز مرکزی کابینہ کی ایک اہم میٹنگ ہوئی ہے۔ مرکزی کابینہ کی میٹنگ کے بعد #مرکزی وزیر #انوراگ ٹھاکر نے کابینہ کے فیصلوں سے آگاہ کیا۔ انوراگ ٹھاکر (Union Minister Anurag Thakur)نے بھی مہنگائی بھتہ (Dearness Allowance) میں اضافے پر عائد پابندی ختم کرنے کے کابینہ کے فیصلے کی تصدیق کی۔ مرکزی حکومت نے مہنگائی بھتہ کو 17 سے بڑھا کر 28 فیصد کردیا ہے۔ یہ مہنگائی بھتہ یکم جولائی سے دیا جائے گا۔
اس سے ملک بھر میں تقریباََ 48.34 لاکھ مرکزی ملازمین اور 65.26 لاکھ پنشنرز مستفید ہوں گے۔مرکزی #حکومت کی طرف سے جاری ایک بیان میں کہا گیا ہے کہ کوویڈ 19 وبا کی غیر متوقع صورتحال میں مرکزی ملازمین اور پنشنرز کو بھتہ (ڈی اے) کی تین اضافی قسطیں روک دی گئی ہیں ، جو یکم جنوری 2020 سے واجب الادا ہیں۔ اب حکومت نے یکم جولائی 2021 سے ڈی اے میں اضافے کا فیصلہ کیا ہے۔
اس میں بنیادی #تنخواہ یا #پنشن کے مطابق 11 فیصد اضافہ کیا گیا ہے۔ تاہم یکم جنوری 2020 سے 30 جون 2021 تک مرکزی #ملازمین کو #مہنگائی #الاؤنس یا پنشنرز کو مہنگائی سے متعلق #ریلیف صرف 17 فیصد پر دستیاب ہوگا۔ اس کا مطلب ہے کہ کوئی ایریئرنہیں دیاجائے گا۔
