آئی پی ایس افسر نے بی جے پی کارکنوں کےخالصتانی کہنے پر کھری کھری سنادی،سکھ برادری کا احتجاج۔

کولکتہ :(اردودنیانیوز.کام/ایجنسیز)مغربی بنگال کے تشدد سے متاثرہ سندیشکھلی میں ایک نیا مسئلہ اس وقت پھوٹ پڑا جب بھارتیہ جنتا پارٹی (بی جے پی) کے کارکنوں نے مبینہ طور پر دھماکھلی میں تعینات ایک آئی پی ایس افسر کو خالصتانی کہا۔ سکھ آئی پی ایس افسر کو مغربی بنگال کے سینئر بی جے پی لیڈر سویندو ادھیکاری کو شمالی 24 پرگنہ ضلع میں سندیشکھلی کا دورہ کرنے سے روکنے کے لیے تعینات کیا گیا تھا۔آئی پی ایس افسر جسپریت سنگھ، جو اپنی ٹیم کے ساتھ دھماکھلی میں تعینات تھے اور انہوں نے سویندو ادھیکاری کو دریائے کالندی کے بالکل پار واقع سندیشکھلی جانے سے روکنے کے لیے رکاوٹیں کھڑی کی تھیں، انہیں بی جے پی کے حامیوں کے ایک گروپ نے مبینہ طور پر "خالصتانی” کہا تھا۔

آئی پی ایس افسر جسپریت سنگھ نے بی جے پی کے حامیوں سے پوچھا،کیا میں پگڑی پہنتا ہوں، اس لیےآپ لوگ مجھے خالصتانی کہہ رہے ہیں؟ کیا آپ نے یہی سیکھا ہے؟ اگر کوئی پولیس افسر پگڑی پہن کر اپنی ڈیوٹی ایمانداری سے ادا کرتا ہے، تو وہ آپ کے لیے خالصتانی بن جاتا ہے؟شرم آنی چاہیے،‘‘ آئی پی ایس افسر جسپریت سنگھ کو بی جے پی کارکنوں سے یہ کہتے ہوئے سنا گیا۔ آئی پی ایس افسر جسپریت سنگھ نے کہا کہ وہ صرف اپنا کام کر رہے ہیں۔میں صرف اپنی ڈیوٹی انجام دے رہا ہوں، کیا میں نے تمہارے مذہب کے بارے میں کچھ کہا،جو تم میرے مذہب کے بارے میں بول رہے ہو؟

اے ڈی جی اور آئی جی پی (جنوبی بنگال) سپرتیم سرکار نے دعوی کیا کہ یہ ایک "جان بوجھ کر اور بدنیتی پر مبنی عمل” تھا جس کا مقصد ایک کمیونٹی کے مذہبی جذبات کو مشتعل کرنا تھا۔کیونکہ کسی نے پگڑی پہنی ہوئی ہے، آپ اس شخص کو خالصتانی نہیں کہہ سکتے۔آپ ایسا نہیں کر سکتے ۔اگر ضرورت پڑی تو ہم قانونی کاروائی کریں گے۔

وزیر اعلیٰ ممتا بنرجی نے زور دے کر کہا کہ بی جے پی کی "تقسیم کی سیاست نے بے شرمی سے آئینی حدود سے تجاوز کیا ہے”، اور "سکھوں کی ساکھ کو مجروح کرنے کی جرات مندانہ کوشش” کی مذمت کی۔وزیر اعلیٰ ممتا بنرجی نے بھی اس ویڈیو کو شیئر کرتے ہوئے قانونی کارروائی کا انتباہ دیا ہے۔

بی جے پی ایم ایل اے اگنی مترا پال نے ، ادھیکاری کے ساتھ ، دعوی کیا کہ پولیس افسر اپنی ذمہ داریاں پوری نہیں کر رہا تھا اور اس الزام کو مسترد کر دیا کہ بی جے پی کے کارکنوںنے اس خالصتانی کہا۔بی جے پی نے بھی اس الزام کی تردید کی اور پولس افسر پر آئین کے مطابق اپنا فرض ادا نہ کرنے کا الزام لگایا۔

Today, the BJP’s divisive politics has shamelessly overstepped constitutional boundaries. As per @BJP4India every person wearing a TURBAN is a KHALISTANI.

I VEHEMENTLY CONDEMN this audacious attempt to undermine the reputation of our SIKH BROTHERS & SISTERS, revered for their… pic.twitter.com/toYs8LhiuU

— Mamata Banerjee (@MamataOfficial) February 20, 2024

Adding fuel to the fire of hate, @SuvenduWB shamelessly labelled a turban-wearing IPS officer as a ‘KHALISTANI’.

The Sikh Community of Asansol took to the streets in protest against this brazen display of bigotry and the divisive culture that @BJP4India endorses! pic.twitter.com/Ul4m1Hn7Sg

— All India Trinamool Congress (@AITCofficial) February 20, 2024

سکھ برادری کے ارکان نے مبینہ طور پر خالصتانی طعنہ کے خلاف کولکتہ میں مرلیدھر لین میں بی جے پی کے ریاستی ہیڈکوارٹر کے باہر مظاہرہ کیا۔