کب کھلے گا شمبھو بارڈر؟ سپریم کورٹ میں آج ہوگی سماعت

نئی دہلی ،21اگست :(اردودنیانیوز.کام/ایجنسیز)پنجاب-ہریانہ سرحد پر واقع شمبھو بارڈر کھولنے کے معاملے کی سپریم کورٹ میں 22 اگست کو سماعت ہوگی۔ سپریم کورٹ کسانوں کے ساتھ بات چیت کے لیے مذاکرات کاروں کے پینل کے ناموں کا فیصلہ کر سکتی ہے۔ اس سے پہلے 12 اگست کو جب اس معاملے کی سپریم کورٹ میں سماعت ہوئی تو عدالت نے کہا تھا کہ امبالہ اور پٹیالہ کے ایس ایس پیز ایک میٹنگ کریں اور بات کریں اور دیکھیں کہ ضرورت مند لوگوں کے لیے سڑکیں کھولی جا سکتی ہیں۔احتجاج کرنے والے کسان 13 فروری سے شمبھو بارڈر پر ڈیرے ڈالے ہوئے ہیں۔ سمیکتا کسان مورچہ (غیر سیاسی) اور کسان مزدور مورچہ (کے ایم ایم) نے اپنے مطالبات کی حمایت میں دہلی تک مارچ کرنے کا اعلان کیا تھا۔ دہلی کی طرف کسانوں کے مارچ کو دیکھتے ہوئے، ہریانہ حکومت نے انہیں روکنے کے لیے امبالا-نئی دہلی قومی شاہراہ پر رکاوٹیں کھڑی کر دیں تھی۔

پولیس نے کسانوں کو شمبھو بارڈر پر ہی روک دیا تھا۔ کسان پچھلے سات ماہ سے وہاں پھنسے ہوئے ہیں۔ہریانہ حکومت نے فروری میں امبالا-نئی دہلی قومی شاہراہ پر رکاوٹیں کھڑی کر دی تھیں جب کسانوں نے فصلوں کے لیے کم از کم امدادی قیمت (ایم ایس پی) کی قانونی ضمانت سمیت مختلف مطالبات کی حمایت میں دہلی تک مارچ کرنے کا اعلان کیا تھا۔ کسانوں کا بنیادی مطالبہ ایم ایس پی سے متعلق ہے۔ ایم ایس پی وہ قیمت ہے جس پر حکومت کسانوں سے زرعی پیداوار خریدتی ہے۔

ملک میں کل 22 فصلوں کے لیے ایم ایس پی ہے، ان میں بنیادی طور پر دھان، دالیں اور تیل کے بیج شامل ہیں۔ اس کے علاوہ کسانوں کے کچھ مطالبات بھی ہیں جو درج ذیل ہیں۔حکومت کسانوں اور مزدوروں کے قرضے معاف کرے۔حکومت لینڈ ایکوزیشن ایکٹ 2013 کو نافذ کرے۔لکھیم پور میں تشدد کے ملزمین کو سزا ملنی چاہئے۔ورلڈ ٹریڈ آرگنائزیشن (WTO) سے دستبرداری۔تمام آزاد تجارتی معاہدوں پر پابندی لگائی جائے۔کسانوں اور زرعی مزدوروں کے لیے پنشن کا انتظام کیا جائے۔دہلی میں کسانوں کے احتجاج کے دوران جان گنوانے والوں کو پنشن دی جائے۔