پٹیالہ کے گردوارہ میں بیٹھ کر شراب پی رہی ’خاتون‘ کا قتل

پٹیالہ، 15مئی:(اردودنیانیوز.کام/ایجنسیز) پنجاب کے پٹیالہ میں ایک گرودوارہ میں ایک عقیدت مند نے اتوار کی رات 10 بجے ایک خاتون کو گولی مار کر ہلاک کر دیا۔الزام ہے کہ خاتون گوردوارہ دکھ نیوارن صاحب کے احاطے میں جھیل کے پاس مبینہ طور پر شراب پی رہی تھی۔ فائرنگ سے ایک اہلکار زخمی بھی ہوا۔ملزم کا نام نرمل جیت سنگھ ہے اور وہ پٹیالہ کا رہنے والا ہے۔ وہ پراپرٹی ڈیلر ہے۔ اسے گرفتار کر لیا گیا ہے۔

اس معاملے میں پٹیالہ کے ایس ایس پی ورون شرما نے تصدیق کی کہ متوفی خاتون پرویندر کور (32) جھیل کے پاس بیٹھی شراب پی رہی تھی۔وہ پہلے پی جی میں رہتی تھی لیکن اب اس کا کوئی پتہ نہیں ہے۔ معلوم ہوا کہ خاتون شراب کی عادی تھی۔

Patiala: A Woman allegedly from Punjab Police was shot dead inside Dukhniwaran Sahib Gurudwara for allegedly consuming alcohol inside the premises. 🙄🙄🤔👇 pic.twitter.com/dft8BUbP4o

— Naren Mukherjee (@NMukherjee6) May 15, 2023

وہ کل زیرکپور سے بس میں بیٹھ کر پٹیالہ آئی تھی۔ جس ریوالور سے گولی چلائی گئی وہ لائسنس یافتہ ہے۔ ملزم کے خلاف قتل کا مقدمہ درج کر کے ریوالور برآمد کر لیا گیا ہے۔