زندگی کے تین اہم قوانین جو کڑوے تو ہیں لیکن حق ہیں

پہلا قانون: مثبت خیالات اپنائیں

اگر کھیت میں دانہ نہ ڈالا جائے تو قدرت اسے گھاس پھوس سے بھر دیتی ہے۔ اسی طرح اگر دماغ کو اچھی فکروں سے نہ بھرا جائے تو کج فکری اسے اپنا مسکن بنا لیتی ہے۔ یعنی اس میں صرف الٹے سیدھے خیالات آتے ہیں اور وہ شیطان کا گھر بن جاتا ہے۔ اس لئے ہمیشہ مثبت سوچیں اور اچھی باتوں پر غور کریں۔

دوسرا قانون: جو کچھ پاس ہو، وہی تقسیم ہوتا ہے

جس کے پاس جو کچھ ہوتا ہے، وہ وہی کچھ بانٹتا ہے۔ خوش مزاج انسان خوشیاں بانٹتا ہے، جبکہ غمزدہ انسان صرف غم ہی بانٹتا ہے۔ عالم علم بانٹتا ہے، دیندار انسان دین بانٹتا ہے اور خوف زدہ انسان خوف پھیلاتا ہے۔ اس لئے خود میں مثبت احساس پیدا کریں، اچھی چیزیں سیکھیں، مصروف رہیں اور خوش رہنے کی کوشش کریں۔

تیسرا قانون: حاصل شدہ چیزوں کو ہضم کرنا سیکھیں

زندگی میں جو کچھ بھی حاصل ہو، اسے ہضم کرنا ضروری ہے۔ کھانا ہضم نہ ہونے پر بیماریاں پیدا ہوتی ہیں۔ مال و دولت ہضم نہ ہونے کی صورت میں ریاکاری بڑھتی ہے۔ بات ہضم نہ ہونے پر چغلی اور غیبت جنم لیتی ہے۔ تعریف ہضم نہ ہونے کی صورت میں غرور میں اضافہ ہوتا ہے۔ غم ہضم نہ ہونے کی صورت میں مایوسی بڑھتی ہے۔ لہٰذا ہضم کرنا سیکھیں اور ایک بامقصد اور بااخلاق زندگی گزاریں۔ لوگوں کے لیے آسانیاں پیدا کریں، آپ کی مشکلات خود بخود آسان ہو جائیں گی۔

🌍 اردو دنیا – واٹس ایپ گروپ
ادب، خبریں، اسلامی معلومات اور دیگر دلچسپ موضوعات کے لیے ہمارا واٹس ایپ گروپ جوائن کریں۔
🔗 گروپ جوائن کرنے کے لیے لنک پر کلک کریں:
Join Now