ممبئی :(اردودنیانیوز.کام/ایجنسیز)جب ملک میں #MeToo شروع ہوا تو ایک ایک کرکے کئی اداکارائیں سامنے آئیں اور اپنے ساتھ ہوئی بدسلوکی کا انکشاف کیا۔ ان انکشافات نے کئی بڑے اداکاروں ہدایت کاروں اور انڈسٹری کے دیگر لوگوں کے کریئر کو خطرے میں ڈال دیا۔ ان انکشافات کے بعد بھی بہت سے لوگ اس سے باہر نہیں نکل سکے ہیں۔ دریں اثناء ٹی وی انڈسٹری کی معروف اداکارہ نے اپنے ساتھ ہوئی بدتمیزی کے حوالے سے چونکا دینے والا انکشاف کیا ہے۔ ٹی وی اداکارہ کا نام سونل وینگورلیکر ہے، جو کئی بڑے ٹی وی شوز کا حصہ رہ چکی ہیں۔ اب سونل نے انڈسٹری میں اپنے ابتدائی دنوں کے بارے میں حیران کن انکشاف کیا ہے۔
سونل وینگورلیکر نے انڈسٹری میں اپنے ابتدائی دنوں کے بارے میں چونکا دینے والا انکشاف کیا اور کاسٹنگ کاؤچ کے بارے میں اپنی آزمائش بیان کی ہےسونل چھوٹی عمر سے ہی ٹیلی ویژن انڈسٹری میں کام کر رہی ہیں اور اپنے پورے کیریئر میں کئی مشہور ٹی وی شوز کا حصہ رہ چکی ہیں۔ ان کے کچھ مشہور سیریلز میں یہ وعدہ رہا ، یہ تیری گلیاں، سام دام ڈنڈ بھید، گپتا برادرز، شاستری سسٹرز اور بہت کچھ شامل ہیں۔رپورٹس کے مطابق سونل وینگورلیکر نے 2018 میں بامبے ٹائمز سے اپنے کاسٹنگ کاؤچ کے تجربے کے بارے میں کھل کر بات کی تھی۔ ‘
اداکارہ نے انکشاف کیا کہ جب انہوں نے آڈیشن دینا شروع کیا تو ان کی عمر صرف 19 سال تھی۔ اس وقت انہیں راجہ بجاج کے دفتر میں ایک کردار کے لیے آڈیشن دینے کا موقع ملا، جو ایک مشہور فوٹوگرافر اور کاسٹنگ ڈائریکٹر تھےسونل نے کہا کہ انہوں نے آڈیشن دیا تھا، لیکن وہ ڈائیلاگ اچھی طرح نہیں بول سکتی تھیں کیونکہ اس وقت انہیں اس کی زیادہ سمجھ نہیں تھی۔
اس کے بعد کاسٹنگ ڈائریکٹر نے انہیں پیشہ کی بہتر سمجھ پانے کیلئے ایک شوٹ میں مدد کرنے کیلئے کہا ابتدائی طور پر سونل وینگورلیکر کو شوٹ کا حصہ نہیں ہونے کے باوجود کچھ ڈریس آزمانے کیلئے کہا گیا۔ اس کے بعد کاسٹنگ ڈائریکٹر نے اداکارہ کو مشورہ دیا کہ وہ اپنی بریسٹ پر کوئی کریم لگائیں۔سونل کے مطابق ڈائریکٹر نے زبردستی ان کے بریسٹ پر کریم لگائی، جس کی وجہ سے وہ کافی صدمے میں تھیں ۔ انہوں نے کہا کہ اس کے ہاتھ میں کریم کی بوتل تھی اور اس نے مجھ سے کہا کہ اس کو پہننے سے پہلے میں اسے اپنے بریسٹ پر لگا لوں، کیونکہ اس سے انہیں صحیح شیپ دینے میں مدد ملے گی ۔ میں اس واقعہ سے کافی زیادہ ڈر گئی ، وہ آگے آئے اور میرے سینے پر زبردستی کریم لگا دی ۔
