امیش پال قتل کیس : ایم پی عتیق احمد کے اہل خانہ ہائی کورٹ میں دو موضوع کے تحت کریں گے اپیل

الٰہ آباد ، 27فروری :(اردودنیا.اِن/ایجنسیز)یوپی کے الٰہ آباد(پریاگ راج) میں راجو پال قتل کیس کے واحد گواہ امیش پال کے قتل کے بعد پورے شہر میں سنسنی پھیل گئی ہے۔دریں اثنا، راجوپال کی بیوی اور ایس پی کی کوشامبی چائل سیٹ سے ایم ایل اے پوجا پال نے سی ایم یوگی آدتیہ ناتھ کو خط لکھ کر Y+ سیکورٹی کی درخواست کی ہے۔ اس کے بعد سابق ایس پی ایم پی عتیق احمد کی بیوی شائستہ پروین بھی ہائی کورٹ میں دو عرضیاں داخل کرنے والی ہیں جس میں امیش پال قتل کیس کی سی بی آئی انکوائری کا مطالبہ کیا گیا ہے۔بتایا گیا ہے کہ پہلی عرضی میں امیش پال قتل کیس کی سی بی آئی جانچ کی مانگ پر بات ہوگی۔

وہیں ہائی کورٹ کی نگرانی میں سی بی آئی انکوائری کا مطالبہ بھی کیا جائے گا، جبکہ وسری درخواست گرفتاری سے متعلق ہو گی۔راجوپال قتل کیس سے لے کر امیش پال کے قتل تک عتیق احمد کے خاندان کے چار افراد جیل میں ہیں۔ اس میں عتیق احمد خود گجرات کی سابرمتی جیل میں بند ہیں۔ اس کے علاوہ ان کے بھائی اشرف کو بھی کچھ دن پہلے بریلی جیل منتقل کیا گیا ہے۔ عتیق کا بڑا بیٹا محمد عمر لکھنؤ جیل میں بند ہے، جب کہ اس کا چھوٹا بیٹا علی احمدالٰہ آباد کے نینی سینٹرل جیل میں بند ہے۔نیز عتیق احمد کے دو اور بیٹے احتشام اور ابان بھی پولیس کی تحویل میں ہیں۔ تیسرا بیٹا اسد احمد تاحال مفرور ہے۔

پولیس نے عتیق احمد کی اہلیہ شائستہ پروین سے بھی پوچھ گچھ کی ہے۔ تاہم شائستہ پروین کا کہنا ہے کہ ان کا خاندان بے قصور ہے۔ شائستہ پروین ہائی کورٹ میں درخواست دائر کریں گی جس میں اپنے بیٹوں اسد احمد، اہضم اور ابان کی گرفتاری پر روک لگانے کا مطالبہ کیا جائے گا۔ خیال رہے کہ اس سلسلے میں عتیق احمد کی بیوی شائستہ پروین نے بھی سی ایم یوگی کو خط لکھا ہے۔شائستہ نے سی ایم یوگی کو خط بھیج کر پورے معاملہ کی سی بی آئی انکوائری کا مطالبہ کیا ہے۔

نیز سی ایم کے پورٹل پر ایک خط بھی بھیجا گیا ہے جس میں شائستہ نے لکھا ہے کہ اس کے خاندان کا اس قتل عام سے کوئی تعلق نہیں ہے۔پولیس کئی دنوں سے اس کے دونوں بیٹوں کو اپنے ساتھ لے گئی ہے ، بچوں کی جان کو خطرہ ہے۔عتیق احمد کے وکیل خان صولت حنیف نے بتایا کہ شائستہ پروین نے الزام لگایا ہے کہ پولیس انکاؤنٹر کی سازش کر رہی ہے، جس میں انہیں خدشہ ہے کہ پولیس ان کے شوہر عتیق احمد اور بہنوئی اشرف کو قتل کر سکتی ہے۔ اس کے ساتھ ہی شائستہ نے مطالبہ کیا ہے کہ حکومت سی بی آئی انکوائری کا اعلان کرے تاکہ معاملے کی سچائی سامنے آسکے۔ وہیں یہ بھی خبر آر ہی ہے کہ امیش پال قتل واقعہ کے تحت الٰہ آباد میں ہی ،مفرور مبینہ ملزم ارباز کی پولیس انکاؤنٹر میں موت ہوگئی ہے۔