پیلی بھیت،10نومبر ( ایجنسیز) اترپردیش کے پیلی بھیت میں بی جے پی ایم ایل اے بابورام پاسوان کے کزن پھول چند کو غنڈوں نے پیٹ پیٹ کر ہلاک کردیا۔جس کے بعد پولیس انتظامیہ میں خوف و ہراس پایا جاتا ہے۔ ایم ایل اے کے بھائی کے گھر پوتے کی شادی تھی، جب غنڈے ان کے گھر میں گھس آئے اور اہل خانہ کو زدوکوب کیا۔ اس دوران ملزم نے ان کی نواسی کو بھی زبردستی اغوا کرنے کی کوشش کی۔ اس دوران دونوں اطراف کے آٹھ افراد زخمی ہوئے۔اس واقعہ سے ناراض ایم ایل اے نے پولیس اسٹیشن پر احتجاج کیا اور کارروائی کا مطالبہ کیا۔ یہ واقعہ پورن پور کوتوالی علاقے کے اڑہا گاؤں کا بتایا جا رہا ہے۔
جہاں پوران پور اسمبلی سے بی جے پی ایم ایل اے بابورام پاسوان کے کزن پھول چند کے پوتے کی شادی کی تقریب چل رہی تھی۔اس کے بعد قریبی گاؤں کا مہندر پال نامی شخص اپنے ساتھیوں کے ساتھ ان کے گھر میں داخل ہوا اور پھول چند کی پوتی کو مار پیٹ کر اور گھسیٹ کر اغوا کرنے کی کوشش کی۔ گھر والوں نے اس پر احتجاج کیا تو فریقین میں لڑائی شروع ہوگئی۔ جس کے بعد غنڈوں نے اہل خانہ کو زدوکوب کیا۔ جس میں پھول چند بری طرح زخمی ہو گیا۔ واقعہ کی اطلاع ملتے ہی پولیس موقع پر پہنچ گئی اور تمام زخمیوں کو اسپتال میں داخل کرایا۔
پھول چند کی علاج کے دوران موت ہو گئی۔ لواحقین نے الزام لگایا کہ غنڈے ان کی پوتی کو اغوا کرنے آئے تھے جس کے بعد دونوں فریقوں میں لڑائی ہوئی جس میں آٹھ افراد زخمی ہوگئے۔ زخمیوں میں متوفی پھول چند کا بیٹا رام سہائے، سمادھی کالی چرن، شیو کمار اور اس کی حاملہ پوتی بھی شامل ہیں۔اس واقعہ کے بعد بی جے پی ایم ایل اے بابورام پاسوان اپنے حامیوں کے ساتھ تھانے پہنچے اور ملزم مہیندر سمیت تمام ملزمان کی گرفتاری کا مطالبہ کیا۔ پولیس کے کام کرنے کے انداز پر سوال اٹھاتے ہوئے تھانے کا گھیراؤ کیا۔ جس کے بعد پولیس نے انہیں کسی طرح پرامن کیا۔ پولس پوسٹ مارٹم کی بنیاد پر کارروائی کرنے کی بات کر رہی ہے۔
