یوپی : جیل سے رہا ہوئے خونخوار ڈکیت کا بھاجپا رکن اسمبلی نے کیا استقبال
ڈکیت نجو کو جیل سے آزادی ملنے کے بعد جس طرح ان کا استقبال کیا گیا ہے وہ موضوعِ بحث
لکھنؤ،3اگست :(اردودنیانیوز.کام/ایجنسیز) یوپی میں ’کٹری کنگ‘ کے نام سے مشہور رہے ڈکیت نجو کو جیل سے آزادی ملنے کے بعد جس طرح ان کا استقبال کیا گیا ہے، وہ موضوعِ بحث بنا ہوا ہے۔ اتر پردیش کے رکن اسمبلی ویر وکرم سنگھ نے ڈکیت نجو کا زوردار استقبال کیا جس کی ویڈیو سوشل میڈیا پر وائرل ہو رہی ہے۔ نجو الگ الگ ضلعوں میں اغوا، لوٹ اور قتل کے تقریباً 70 سے 80 مقدمات میں جیل میں بند تھا۔ چار دن قبل ہی وہ بریلی جیل سے رہا ہوا ہے۔ جیل سے نکلنے کے بعد وہ سیدھے شاہجہاں پور کے پرور تھانہ حلقہ واقع اپنے منجھا گاؤں کے برمھ بابا پر 111 کلو کا گھنٹہ چڑھانے پہنچا۔میڈیا رپورٹس کے مطابق ڈکیت نجو کے گاؤں پہنچنے کی خبر ملنے پر اسے دیکھنے کے لیے سینکڑوں لوگوں کی بھیڑ اکٹھی ہو گئی۔ اس موقع پر کٹرا اسمبلی حلقہ سے بی جے پی رکن اسمبلی ویر وکرم سنگھ پرنس بھی پہنچے اور گاؤں کے رام لیلا والی جگہ پر انھوں نے نجو ڈکیت کو اپنے بغل میں بٹھا کر اس کے ساتھ اسٹیج شیئر کیا۔
اتنا ہی نہیں، کھلے اسٹیج سے رکن اسمبلی نے ڈکیت نجو کی تعریفوں کے پل باندھ دیئے۔رکن اسمبلی ویر وکرم نے کہا کہ ان کی ملاقات نجو سے ایک بار جیل کے اندر ہوئی تھی جس کے بعد انھیں دیکھنے کے لیے وہ بہت پرجوش تھے۔ صرف اتنا ہی نہیں، رکن اسمبلی نے نجو ڈکیت کو بڑا ہی جدوجہد والا بتایا۔ انھوں نے کہا کہ نجو نے اپنی زندگی میں بہت مشکلات برداشت کی ہیں۔
قابل ذکر ہے کہ کئی دہائی پہلے بدایوں، ایٹہ، اٹاوہ، کاس گنج، فرخ آباد، بریلی اور شاہجہاں پور سمیت آس پاس کے درجنوں ضلعوں میں کلو اور نجو گروہ کی دہشت تھی۔ کلو-نجو کے گروہ میں تقریباً ڈیڑھ درجن بدمعاش شامل تھے۔ دونوں نے مل کر ایک بار کاس گنج میں مرودھر ایکسپریس میں لوٹ پاٹ کر سات لوگوں کا ایک ساتھ اغوا کیا تھا۔1999 میں کلو اور نجو نے کٹری میں داروغہ راجیش پاٹھک کا قتل کیا تھا جس سے دونوں کی دہشت علاقے میں بہت بڑھ گئی تھی۔اس کے بعد پولیس بھی کلو اور نجو کے نام سے کانپنے لگی تھی۔ اغوا، تاوان، لوٹ اور قتل جیسی وارداتوں کو انجام دینا ہی اس ڈکیت کا کام تھا۔ پولیس نے جب شکنجہ کسنا شروع کیا تو 2000 میں نجو نے خود سپردگی کر دی اور تب سے ہی وہ جیل میں بند تھا۔
Katri’s dreaded dacoit Najju who killed 13 policemen and was booked in over 80 criminals cases came out of jail anf got grand welcome by BJP MLA Veer Vikram Singh. The MLA felicitated Najju publicly.
My old story on this dacoit… https://t.co/WLWlNTwO2u@BJP4UP pic.twitter.com/WDl4ADciwP— Kanwardeep singh (@KanwardeepsTOI) August 1, 2023
