امریکہ میں چوری کا انوکھا واقعہ – سابق گرل فرینڈ کی مرغی چرا لی گئی

واشنگٹن، ۷؍اپریل (اردودنیا.اِن/ایجنسیز):محبت کے بعد بچھڑنا اکثر دل توڑ دیتا ہے، لیکن امریکہ کے ایک 50 سالہ صاحب نے اس غم کا علاج ذرا انوکھے انداز میں نکالا — سابقہ محبوبہ کی مرغی چوری کر لی!

ریاست واشنگٹن کی کِٹساپ کانٹی میں یہ دلچسپ واقعہ اس وقت پیش آیا جب ایک شخص نے اپنی سابق گرل فرینڈ کے گھر کے پچھلے دروازے پر "نرغے” کی طرح لات ماری اور سیدھا جا پہنچا "پولی” کے پاس — جو کہ خاتون کی پالتو مرغی تھی۔

خاتون نے پولیس کو کال کرکے بتایا کہ وہ شخص ان کے گھر میں زبردستی گھسا اور اُن کی مرغی اُٹھا لے گیا، اور مزے کی بات یہ کہ چوری کے دوران وہ مسلسل یہی دہرا رہا تھا: "مجھے پولی مل گئی!”

پولیس نے فوراً حرکت میں آتے ہوئے قریبی جھاڑیوں میں چھپے ہوئے "مرغی لوور” کو تلاش کرلیا۔ گرفتاری کے وقت ملزم روتے ہوئے یہی فریاد کر رہا تھا: "پلیز، پولی کو کچھ نہ کہنا!”

پولیس نے پولی کو صحیح سلامت واپس کیا اور ملزم کو کچھ دیر "مرغی فراق” میں حراست میں رکھنے کے بعد چھوڑ دیا گیا۔ پولیس حکام کا کہنا ہے کہ ایسی واردات شاید پہلی بار دیکھی گئی ہے جہاں چوری کا مقصد صرف ایک مرغی اور جذبات تھے۔

 مرغی کی محبت

اس واقعے نے سوشل میڈیا پر ہنسی کا طوفان برپا کر دیا ہے۔ نیٹیزنز کا کہنا ہے کہ "یہ تو عشق کا پولٹری ورژن ہے!” کچھ نے تو یہاں تک کہہ دیا کہ "سچا عشق کبھی ختم نہیں ہوتا… وہ بس مرغی کی شکل میں واپس آ جاتا ہے۔”