ہم نے اسرائیل کی طاقت کا غلط اندازہ لگایا: حزب اللہ

بیروت،22جنوری :(اردودنیا.اِن/ایجنسیز)لبنانی حزب اللہ کے ایک سینیر عہدیدار نے اعتراف کیا ہے کہ انہیں اسرائیل کی طرف سے اتنی زیادہ طاقت کے استعمال کا اندازہ نہیں تھا۔ حزب اللہ نے اسرائیل کے طاقت کا درست اندازہ لگانے میں غلطی کی تھی۔حزب اللہ کے ایک قریبی حلقے سے ملنے والی معلومات سے پتا چلتا ہے کہ رضوان فورس جس میں حزب اللہ کی ایلیٹ یونٹ کے اہلکار شامل ہیں کے ایک افسر نے کہا ہے کہ ”فوجی سازوسامان حتمی تصادم کی تیاری ہے۔ وہ 2006 سے اسرائیل کے خلاف اور سینکڑوں تنصیبات اور سرنگیں بنا چکے ہیں۔لیکن اس نے وضاحت کی کہ پارٹی کے اڈوں کے لیے حیرت کی بات یہ تھی کہ اسرائیل کس طرح اس کمزور نکات کی نشاندہی کرنے میں کامیاب رہا، کیونکہ وہ انسانی آنکھوں اور بھرتی کرنے والے ایجنٹوں کے علاوہ ڈرونز اور اعلیٰ درستگی والے تکنیکی آلات کے ذریعے حزب اللہ کی تنصیبات کیسب سے بڑے حصے کو تباہ کرنے میں کامیاب ہوا۔

اس عہدیدار نے مزید کہا کہ ”حزب اللہ کو جو سب سے بڑا دھچکا لگا وہ اس کے فوجی اور لاجسٹک باڈی کی شریانوں کو لگا، وہ پیجرز آپریشن تھا، کیونکہ اس نے تقریباً 3000 جنگجوو?ں کو غیر فعال کرنے اور ان کے چہروں، آنکھوں اور ان کے جسم کے دیگر حصوں میں زخمی کرنے کے بعد انہیں عسکری کارروائیوں کے لیے معذور کردیا تھا۔اس نے انکشاف کیا کہ اسرائیلی انٹیلی جنس کو ایک پیغام پہنچا جب اس نے پیجر استعمال کرنے والے ایک کمانڈر کی آواز سنی، جس میں اس نے اپنے کمانڈر کو بتایا کہ اسے محسوس ہونے لگا کہ جس ڈیوائس کا وہ استعمال کر رہا ہے اس کی بیٹری مطلوبہ اوقات کے مطابق کام نہیں کر رہی۔ یہ ڈیوائس خود ہی زیادہ گرم ہونے لگی ہے۔

اس سے پہلے کہ حزب اللہ کے متعلقہ فریق اس کی وجہ دریافت کرتے اسرائیلی انٹیلی جنس نے پارٹی کے لیے دستیاب تمام پیجرز کو اڑا دیا۔اس کے علاوہ رضوان فورس کے افسر نے تصدیق کی کہ پارٹی کے مختلف سطحوں پر جنگی یونٹس اسرائیل کے ساتھ طویل جنگ کی تیاری کر رہے ہیں۔ قطع نظر اس کے کہ 7 اکتوبر 2023 کو ہونے والے ”حماس” کے آپریشن کا وقت کچھ بھی ہو، لیکن ستم ظریفی یہ ہے کہ اسرائیل بھی 2006 سے تیاری کر رہا تھا۔ اس نے اعداد و شمار سے لیس پارٹی کے تمام مقامات اور جنوب، بقاع اور جنوبی مضافات میں فوجی تنصیبات کے بارے میں تفصیلی معلومات نے حزب اللہ کو چونکا دیا تھا۔ ان میں حزب اللہ کے اہم، حساس مراکز اور اسلحہ ذخیر کرنے والے مقامات تھے۔انہوں نے نشاندہی کی کہ اسرائیلی جنگی طیارے اور ڈرون جنوب میں ایک سے زیادہ سرحدی قصبوں میں سیکڑوں سرنگوں کے علاوہ ان مقامات کی اکثریت کو تباہ کرنے میں کامیاب رہے، جن میں سے کچھ ایک سے زیادہ اسرائیلی بستیوں کے کنارے تک پہنچنے کے قریب تھیں۔جب ان سے پوچھا گیا کہ کیا حزب اللہ اپنی صلاحیتوں کو دوبارہ بنانے کے قابل ہے خاص طور پر بشار الاسد رجیم کے سقوط کے بعد شام کے راستے ہتھیار حاصل کرنے میں اسے ناکامی کا سامنا ہے۔

اس کے علاوہ اقوام متحدہ کی قرارداد 1701 کے تحت دریائے لیتانی کے جنوب میں حزب اللہ کی موجودگی پر پابندی عائد کی جا سکتی ہے تو انہوں نے اعتراف کیا کہ حزب اللہ کے لیے اب کافی مشکلات ہیں۔یہ بات قابل غور ہے کہ حزب للہ اور اسرائیل کے درمیان گذشتہ سال 27 نومبر (2024) امریکہ اور فرانس سرپرستی میں طے پایا تھا۔ اس معاہدے میں فریقین کے جنوب سے انخلاء اور حزب اللہ کے ہتھیار ڈالنے کی شرط رکھی گئی تھی۔اس میں لبنانی فوج اور سیکورٹی فورسز کے لیے ہتھیاروں کی لے جانے پر پابندی اور جنوب میں حزب اللہ یا دیگر مسلح دھڑوں کے بنیادی ڈھانچے اور فوجی مقامات کو ختم کرنا بھی شامل تھا۔