خواتین اساتذہ صرف گرمیوں کی چھٹیوں میں بچے پیدا کریں،عجیب مطالبہ پر ہنگامہ

دبئی ،8جون:(اردودنیانیوز.کام/ایجنسیز)اردن کے لوگوں میں ایک عجیب آرڈر نے اس وقت نیا تنازع پیدا کردیا جب ایک نجی اسکول نے مطالبہ کیا کہ اس کے کام کرنے والے اساتذہ کو گرمیوں کی تعطیلات کے دوران بچے پیدا کرنے کے عمل کو مربوط کرنے کی ضرورت ہے۔ یہ تعطیلات 27 جون سے شروع ہوتی اور 3 ماہ تک جاری رہتی ہیں۔یہ درخواست سوشل نیٹ ورکنگ سائٹس صارفین میں جنگل کی آگ کی طرح پھیل گئی۔ اس پوسٹ کو بڑے پیمانے پر تنقید کا نشانہ بنایا گیا۔ خاص طور پر نجی زندگی کی چھوٹی چھوٹی تفصیلات میں اس سکول کی مداخلت نے لوگوں کو برہم کردیا۔اس صورت حال پر اردن کی وزارت تعلیم بھی تبصرہ کرنے پر مجبور ہوگئی۔ وزارت کے نمائندے نے سرکاری طور پر نجی اسکول کی طرف سے جاری اس حکمنامہ کو مسترد کردیا۔

وزارت کے ترجمان کے مطابق حکمنامہ میں کہا گیا تھا کہ حمل کو ریگولیٹ کرنے کے لیے ضرورت ہے تاکہ بچے کی پیدائش گرمیوں کی تعطیلات میں ہوا کرے۔انہوں نے کہا کہ وزارت سکول کی طرف سے جاری آرڈر کو دیکھ رہی ہے۔ یہ خواتین اساتذہ کے خلاف ایک انفرادی فعل ہے۔ یہ حکمنامہ اردن کی سطح پر خواتین اساتذہ کے ساتھ برتاؤ میں عمومی پالیسی کا اظہار نہیں کرتی۔ محکمہ خصوصی تعلیم کی ایک ٹیم اس کے خلاف مناسب اقدامات کرنے کے لیے اسکول کا دورہ کرے گی۔

اردن کے سابق رکن پارلیمنٹ قیس زیادین اور تعلیمی میدان میں سرگرم ایک کارکن نے بتایا کہ یہ کتاب ذاتی آزادیوں کی خلاف ورزی کرتی ہے اور اسے نجی زندگی پر پابندی تصور کیا جانا چاہیے۔ شروع میں پابندی اس بات پر تھی کہ ہم ٹی وی پر کیا دیکھتے ہیں۔ بعض اوقات ہم کیا پہنتے ہیں لیکن آج کچھ لوگ حمل کے اوقات اور کچھ مہینوں کی وضاحت کرنے پر آگئے ہیں۔ یہ اردن کی طرف سے ضمانت دی گئی شخصی آزادی کی کھلم کھلا خلاف ورزی ہے۔