انگلینڈ ٹیم35 سال سے چنئی میں ٹیم انڈیا کو شکست نہیں دے سکی

چنئی ،04؍ فروری (اردودنیا.اِن)ہندوستان اور انگلینڈ کے مابین 4 ٹیسٹ میچوں کی سیریز کل سے شروع ہورہی ہے۔ پہلا ٹیسٹ چنئی کے چیپک اسٹیڈیم میں کھیلا جائے گا۔ انگلینڈ کی ٹیم 35 سالوں سے اس گراؤنڈ پر ہندوستان کو شکست نہیں دے سکی ہے۔ انگلش ٹیم نے آخری بار چیپک میں 1985 میں جیت حاصل کی تھی ۔ اس کے بعد ہندوستان نے اس گراؤنڈ پر انگلینڈ کے خلاف مسلسل 3 ٹیسٹ میں فتح حاصل کی ہے۔

ہندوستان اور انگلینڈ کے مابین چیپک میں آخری ٹیسٹ 2016 میں کھیلا گیا تھا۔ اس میںٹیم انڈیا نے انگلش ٹیم کو اننگز اور 75 رنز سے شکست دی۔ 4 سال بعد دونوں ٹیمیں ایک بار پھر یہاں مدمقابل ہوں گی۔ ہندوستانی کپتان وراٹ کوہلی پیٹرنٹی رخصت کے بعد ٹیم میں واپس آ رہے ہیں۔10 ماہ 26 دن کے بعد ہندوستان کوئی بین الاقوامی کرکٹ میچ کھیلا جائے گا۔

یہ گذشتہ 28 سالوں میں ملک میں دو بین الاقوامی میچوں کے درمیان سب سے طویل فاصلہ ہوگا۔ ہندوستان میں آخری بین الاقوامی میچ آئرلینڈ اور افغانستان کے مابین 10 مارچ 2020 کو گریٹر نوئیڈا میں کھیلا گیا تھا۔ ہندوستانی ٹیم گذشتہ 22 سالوں سے چیپک میں ایک بھی ٹیسٹ نہیں ہاری ہے۔ ہندوستان کو آخری بار جنوری 1999 میں پاکستان کے ہاتھوں 12 رن سے شکست کا سامنا کرنا پڑا۔

اس کے بعد ٹیم انڈیا نے یہاں 8 ٹیسٹ میچ کھیلے ہیں۔ ان میں سے ہندوستان 5 میں فتح حاصل کی اور تین ڈرا رہا ۔ ہندوستان اور انگلینڈ کے درمیان چیپک میں اب تک 9 ٹیسٹ کھیلے جا چکے ہیں۔ اس میں ہندوستانی ٹیم نے 6 میچ جیتے ہیں۔ انگلینڈ نے 2 ٹیسٹ جیتے ، جبکہ ایک میچ ڈرا رہا۔