آسام میں مودی لہر نہیں
نئی دہلی: (اردودنیا.اِن)آسام اسمبلی انتخابات میں ’مودی لہر‘ نہیں ہونے کا دعوی کرتے ہوئے اے آئی یو ڈی ایف کے سربراہ مولانا بدرالدین اجمل نے اتوار کے روز الزام لگایا کہ بی جے پی ہندو ووٹوں کو نشانہ بنانے اور مسلمانوں کو دشمن کے طور پر پیش کرتے ہوئے اسے پولرائز کرنے کی کوشش کر رہی ہے، لیکن حکمران جماعت اس میں کامیاب نہیں ہوگی۔آل انڈیا یونائیٹڈ ڈیموکریٹک فرنٹ (اے آئی یو ڈی ایف) کے خلاف بی جے پی کی فرقہ واریت کے الزامات کو بے بنیاد قرار دیتے ہوئے اجمل نے دعویٰ کیا کہ آسام میں کوئی اور تنظیم ان کی پارٹی سے زیادہ سیکولر نہیں ہے۔
انہوں نے کہا کہ ان کی پارٹی پچھلے انتخابات میں غیر مسلموں کو مناسب نمائندگی دیتی رہی ہے۔اجمل نے کہا کہ آسام اسمبلی انتخابات ملک کے لئے اہم موڑ ثابت ہوں گے، کیونکہ بی جے پی ہی ریاست سے ہارنا شروع کردے گی۔ انہوں نے کہا کہ اس کے لئے کانگریس کی زیرقیادت مہاگٹھ بندھن سے مقابلہ کررہا ہے،
جو ان کی پارٹی کا بھی ایک حصہ ہے۔ لوک سبھا ممبر نے اس اعتماد کا اظہار کیا کہ سیکولر قوتیں کامیابی حاصل کریں گی اور کہا کہ بی جے پی مغربی بنگال، آسام، تمل ناڈو، کیرالہ اور پنڈوچیری میں انتخابات ہار جائے گی اور اس سے ملک بھر میں ایک پیغام جائے گا۔اجمل نے کہاکہ اے آئی یو ڈی ایف سیکولر ہے اور ہمیشہ سیکولر رہے گا لیکن بی جے پی خود فرقہ پرست ہے اور فرقہ وارانہ سیاست کرتی ہے،
اس لئے وہ دوسروں کو بھی اسی تناظر میں دیکھتی ہے۔ انہوں نے الزام لگایاکہ بی جے پی کے پاس بات کرنے کے لئے کوئی ترقیاتی مسئلہ نہیں ہے۔ اس نے آخری بار نوکری دینے کے بارے میں بات کی تھی لیکن وہ نوکریاں مہیا نہیں کرسکی۔
قومی سطح پر اس نے کالے دھن کو واپس لانے کی بات کی، لیکن کالا دھن بیرون ملک بھیجا گیا ۔اجمل نے کہاکہ میں 15 سالوں سے مرکز میں یوپی اے کا حصہ رہا ہوں، ہمارے لئے جمع ہونا ضروری تھا، کچھ لوگ اسے ہونے نہیں دے رہے تھے لیکن معاملات طے ہوئے۔
