تلنگانہ:(اردودنیا.اِن) تلنگانہ حکومت نے ریاست میں کورونا وائرس کے بڑھتے ہوئے کیسزکے پیش نظر دسویں بورڈ کے امتحانات منسوخ کردئیے گئے ہیں جبکہ انٹرمیڈیٹ کے امتحانات ملتوی کردئیے گئے ہیں ۔ ملک میں کورونا کے بڑھتے ہوئے کیسزکی وجہ سے سنٹرل بورڈ آف سیکنڈری ایجوکیشن (سی بی ایس ای) نے 10ویں جماعت کے امتحانات منسوخ کرنے اور 12ویں جماعت کے امتحانات ملتوی کرنے کا فیصلہ کیا ۔
خصوصی چیف سکریٹری چترا رام چندرن نے ایک حکم میں کہاکہ ریاست میں کورونا کی موجودہ صورتحال اور 14 اپریل کے سی بی ایس ای کے نوٹیفکیشن پر غور کرتے ہوئے حکومت نے 17 سے 10 مئی تک شروع ہونے والے تمام امتحانات کو منسوخ کرنے کا فیصلہ کیا ہے۔حکومت کے ایک دیگرحکم میں کہا گیا ہے کہ انٹرمیڈیٹ فرسٹ ایئر کے طلبہ کو بغیر امتحان کے ترقی دی جائے گی۔ اس کے تحت یکم مئی سے شروع ہونے والے انٹرمیڈیٹ سیکنڈ ایئر کے امتحانات ملتوی کردیئے گئے ہیں اور جون کے پہلے ہفتے میں اس کا جائزہ لیا جائے گا۔ امتحانات کی تاریخوں کا اعلان کم از کم 15 دن پہلے ہوگا۔
دسویں طلبہ کو بغیر کسی امتحانات کے پروموٹ کردیا جائے گا ۔ محکمہ تعلیم نے احکامات بھی جاری کردیئے ۔ بہت جلد ایس ایس سی بورڈ سے نتائج کا اعلان کیا جائیگا ۔ نتائج سے غیر مطمئن طلبہ حالات سازگار ہونے پر امتحانات تحریر کرسکتے ہیں ۔ اس فیصلے سے تلنگانہ کے 5 لاکھ 35 ہزار طلبہ کو فائدہ ہوگا ۔ اس طرح حکومت نے انٹر فرسٹ ایر امتحانات کو منسوخ کرکے تمام طلبہ کو امتحانات کے بغیر پروموٹ کرنے کا فیصلہ کیا ۔ اس فیصلے سے انٹر فرسٹ ایر کے 4.58 لاکھ طلبہ کو فائدہ ہوگا ۔
انٹرسیکنڈ ایر کے امتحانات ملتوی کرکے جون کے پہلے ہفتہ میں فیصلہ کرنے سے اتفاق کیا گیا ہے ۔ انٹرمیڈیٹ سیکنڈ ایر میں جن طلبہ کے بیاک لاگ ہیں انہیں بغیر امتحانات کے اقل ترین نشانات کے ساتھ کامیاب بنانے کا بھی فیصلہ کیا گیا ہے ۔ حالت سازگار ہونے پر انٹر فرسٹ ایر امتحانات کا انعقاد کرنے پر غور کیا جائیگا ۔ایمسیٹ میں انٹر مارکس کے 25 فیصد ویٹیج کو بھی منسوخ کردیا گیا ۔ انٹرسیکنڈ ایر امتحانات کے انعقاد سے 15 دن قبل اطلاع دینے کا فیصلہ کیا گیا ۔
اجلاس میں سکریٹری بورڈ آف انٹرمیڈیٹ سید عمر جلیل ڈائرکٹر گورنمنٹ امتحانات ستیہ نارائینا ریڈی نے امتحانات کے منسوخ اور ملتوی پر چیف منسٹر کو رپورٹ پیش کی ۔ چیف منسٹر کی منظوری کے بعد دسویں جماعت اور انٹرمیڈیٹ فرسٹ ایر کے امتحانات منسوخ کرنے اور انٹرمیڈیٹ سیکنڈ ایر کے امتحانات کو ملتوی کرنے کے احکامات جاری کئے گئے ۔
